-Jilecʋ- 1-7
PSAUMES 23-25
ˈDhʋ aˈ 4 nʋn -e bhaeɛ- -e | -Deeghwlu- (Min. 1)
1. “Zoova -nɩɛn- ˈman jiebhopoi-”
(Min. 10)
Zoova a poɛ -aʋ jie bho (Ps 23:1-3; w11-F 1/5 31 § 3)
Zoova a fuɛ -aʋ ˈdhei (Ps 23:4; w11-F 1/5 31 § 4)
Zoova a ˈˈɲɩɛnˈˈ -aʋ dhiidhɛ- (Ps 23:5; w11-F 1/5 31 § 5)
-Ka ˈbhlaeˈ aˈ jiebhopoi ɔɔ naan ɔɔˈ ˈbhlaeˈ ˈˈjhriɛ bho ˈˈdhe ɔɔ ˈˈduaˈˈ ɩanˈ dɩ ɛ, ˈkamɔn- Zoova a ˈˈdu ɔɔˈ dhbhonʋʋn anˈ dɩ -ke.
DEE -ˈMAN ˈˈJƐ I: ‘-Kawɛ Zoova nʋn ˈman dɩ ˈˈdu sʋn -ɛn?’
2. -A -za ˈsrɩn ˈdhe Ɲɔnsoa aˈ Ghwlu ˈdhi
(Min. 10)
Ps 23:3: -Ɛ -nɩn “ˈˈɩsreɛ ɛˈ -jie- kplɩ” -ɛ, ˈˈdhe dhɛwɛ- ˈye -aʋ sʋn bho po -wɛeˈ -a -saˈ ˈbho ɩn ˈˈkpe ˈghwlʋ -ɛ? (w11-F 15/2 24 § 1-3)
Biiblʋ aˈ ˈˈjhri aʋ zroa ˈdhii ˈnɔn ˈdhɔɔ nɔn ˈdhi ɛ, ˈsrɩn -wɛ aʋ ˈjhe -ɩanˈ dɩ aʋa ˈbɔn aʋ ˈye ˈtmʋn -ɛn?
3. Dhɛdhiizroɛ-
4. ˈDhe ɲʋn bho -ghwluaˈ -deeɛ-
(Min. 3) -BOBHLAA- -DA ˈˈOO -DA. Ɲɔn -ɔ ˈnaan ɔɔ ziɛ dhɩ jhia -aʋ ˈdhei aˈ dɩ ɛ, zro Biiblʋ aˈ ˈˈjhriɛ- dhueˈ ˈdhii -ɛ ˈyeɔ ˈkpɩ po (lmd ˈcɩaandhɛ- 2 ˈˈdhru ˈˈzaan- 5)
5. ˈDhe ɲɔn bho dhemuɛn- ˈˈjhri -kpʋɛn-
(Min. 4) -BOBHLAA- ŊMƐINˈˈ ˈDHII. Ɲɔn -ɔ ˈŋwɔɔan -aaˈ ˈmʋnfeesɛɛ- Aʋ ˈjhe -bɔyaˈˈ sea ˈˈtianˈ ˈbhle! ɛˈ dɩ ɛ, -nɩn ɔn ˈcɩan Biiblʋ. (lmd ˈcɩaandhɛ- 9 ˈˈdhru ˈˈzaan- 3)
6. Dhɛcɩaʋn -nʋɛn-
ˈDhʋ aˈ 54 -nʋn
7. -Aaˈ po ˈdhibhʋ aˈ ghwlu -dheinˈˈ bho
(Min. 15) Aʋ ˈtmʋn ɛnˈ dɩ.
ˈBhlaeˈ jhibho- ɩanˈ jiebhopoi ɔˈ ghwlu ˈmɛn ɩan yea ˈbho ɔ ˈdhe bhla. ˈˈDhe -bho ɛ -nɩn ˈdhebhai ɛˈ, ɩn se ɔɔˈ ghwlu ˈˈɩ jhibho- ˈˈdhe ɩan pleeɔ i. (Jean 10:5) -Ka nɩan dhueˈ -ke ɛ, -aa poɛ Zoova -e Zezi nɩan -aaˈ jiebhopoʋn ˈdhe ɲɔnsoadhɛ ˈdhi ˈˈdhe -ʋʋ kman -aaˈ dɩ -dheinˈˈ bho. (Ps 23:1; Jean 10:11) ˈKlaa ˈdhɩbhʋ- -ˈˈwe -ʋa- ˈbɔan -ʋʋ ˈyea ʋaˈ “sɩ dɩ” i -jhii -ʋʋ ˈyea -aaˈ dhɛgwlɩdeɛ ˈkɔɔ- ɔ, -aaˈ pʋbʋ -dheinˈˈ bho.—2P 2:1, 3.
ˈDhebhai ɔˈ ghwlu -ʋn kɔan ɲan ɲʋn ˈŋwɔan da ˈbhlʋa ˈˈkpe ɛ, ʋanˈ dɩ ˈtmʋɛnˈ ˈdhe Genèse ɛˈ ˈˈjhriɛ- -klaaˈˈ taan ˈdhi. Satan ˈyea -ghwlu ˈdhe Ɛvʋ bho ɛ, ɲɔn ɔ nɩan gblein ɛn, ɔ ˈseɛ -to ɔ ˈyʋ srɛi po. Ɔ kpʋn dhaiˈˈ dhɛ ˈmʋn ɔ ye Zoova sɩ ˈˈkpei ˈtmʋʋn-. Dhɛ ˈbhleaˈ -ghwɛe ɛmɛn- -nɩn, Ɛvʋ -ˈmʋn poɔ -dheinˈˈ bho. Ɛ nʋɛnˈ ʋmʋn -e ʋanˈ ˈˈgbuzɔncɛ ye ˈo ˈkledɩ- -klaeˈˈ ˈjhee-.
ˈZian anˈ, Satan an gbaa sɩ i -wɛeˈ -aaˈ -pɛɛ ˈye i zee- ˈdhe Zoova -e ɔɔˈ -Glibha aˈ dɩ ˈdhi. -Bho -a ˈŋwɔn ˈdhebhai ɔˈ ghwlu ɛˈ, -a ˈye ple! -Bho -aa sa ɔɔˈ -dheinˈˈ bho -poɛ i ˈbɔn dhɛ ˈˈzaan -mɔnˈ -dhe ɛˈ, ɛ -ɲnɩɛn- ˈˈjhrii. Satan ˈyea Ɛvʋ srɛi -poo ˈdhee, ɔ ˈtmʋʋn- dɩ -duuˈˈ? (Gn 3:1, 4, 5) ˈˈDhe -bho ɲɔn -a jhibha, -ɔɔ ˈbɔan -aaˈ dhɛjɛɛn ɩn ɔn sa ˈbɔn ɔ ˈye -aʋ dhɩsain ɔ ˈŋwɔan ˈdhe Zoova aˈ -Glibha aˈ dɩ ˈdhi ˈtmʋʋn- ˈdhe?
Po o VIDEO Aʋaˈ po -e ˈdhɩbhʋ aˈ ghwlu -dheinˈˈ bhoˈ -dhe.” -ˈMɛn po ˈe ideedɩ- nɩn:
Sonia aˈ ˈdhou sea Zoova aˈ -Bobhlai -nɩn ɛn, ʋan ˈbɔn ʋn ˈye Zoova aˈ -Glibha aˈ ˈɲnin -saɩn ˈˈsɩ ˈdhe Sonia bho -dhe. Dhɛ Sonia nʋan, dhɛwɛ- ɛɛ tɔɔn mʋn -ɛn?
8. Ɲɔnsoagbu aˈ Biiblʋ ˈcɩan-
(Min. 30) bt-F cdh. 8 § 1-4, ˈˈtɛʋn- ŋwʋn anˈ 61-62
