-Jilecʋ- 29–ˈDao- 5
PSAUMES 34-35
ˈDhʋ aˈ 10 nʋn -e bhaeɛ- -e | -Deeghwlu- (Min. 1)
1. “-Bhlee- Zoova bho nɔnˈˈ ooˈˈ nɔnˈˈ”
(Min. 10)
-Bho Davidɩ -nɩn ˈe ˈkledɩ ˈdhi -ˈmɔn -dhe ɛˈ, ɔɔ bhleeɛ Zoova bho. (Ps 34:1; w07-F 1/3 22 § 11)
David ɔ ˈbhɛɛ ɔɔˈ ˈˈjɛ ˈˈɩ Zoova aˈ dɩ, ɛ se ɔɔˈ ˈˈjɛ ɛˈ dɩ -nɩn. (Ps 34:2-4; w07-F 1/3 22 § 13)
Dɩ Davidɩ ɔ ˈtmʋan -wɛeˈ ɔɔ bhlea Zoova bho ɛ, ɩan poɛ ɔɔˈ ˈdhaiˈˈ -ˈˈwe ˈkpɩ -dhe. (Ps 34:5; w07-F 1/3 23 § 15)
Davidɩ -ˈdan ˈe Abimelɛkɩ ˈkwai ɛ, ɲmai aˈ 400 -ʋʋ sea ˈmʋnan in -nɩn ˈbho Sailɩ ɔˈ ˈbheɔdhɛ -ˈzɔn ɔn, ʋbʋ- jhi ˈe Davidɩ bho ˈdhe -beɛnˈˈ -bhlʋa- ˈˈkpe. (1S 22:1, 2) Ɛgwɛ ɲʋn -ˈnʋn anˈ dɩ -mɩn Davidɩ ˈbhlee- -pɛɛ bho -da ɔɔ ˈcreaˈ ˈdhʋ -ˈnʋn ɛn.—Ps 34, suscription.
DEE -ˈMAN ˈˈJƐ I: ‘-Bho ˈɩn -nɩn ɲɔn sa ghwlu ˈdhe ˈˈdhruigbooɛ -ɛɛ jhia ˈmʋn ɛnˈ, -kawɛ ˈɩn ˈbhɛɛ ˈye Zoova bho bhlee -ɛ?’
2. -A -za ˈsrɩn ˈdhe Ɲɔnsoa aˈ Ghwlu ˈdhi
(Min. 10)
-
Ps 35:19: Dhɛwɛ- Davidɩ ɔ ˈbɔn ɔ ˈye ˈtmʋn -dhe -da ɔɔ bhaea ɔ ˈnaan ɲʋn -ʋʋ ˈɲɛɔn ˈmʋn ɛn, ʋaˈ “bhla -e dhɛsaʋn- ɛnˈ ˈˈjhri gbɔ -dhe” -ɛ? (w06-F 15/5 20 § 2)
-
Biiblʋ aˈ ˈˈjhri aʋ zroa ˈdhii ˈnɔn ˈdhɔɔ nɔn ˈdhi ɛ, ˈsrɩn -wɛ aʋ ˈjhe -ɩanˈ dɩ aʋa ˈbɔn aʋ ˈye ˈtmʋn -ɛn?
3. Dhɛdhiizroɛ-
4. ˈDhe ɲʋn bho -ghwluaˈ -deeɛ-
(Min. 2) -BOBHLAA- -DA ˈˈOO -DA. ˈSe nɔnˈˈ ˈjhe -wɛeˈ -ˈye bo bhla ˈdhe ɔ bho ˈsʋ aʋaˈ -maʋa ye ˈˈdhru -jra. (lmd ˈcɩaandhɛ- 1 ˈˈdhru ˈˈzaan- 4)
5. ˈDhe ɲɔn bho dhemuɛn- ˈˈjhri -kpʋɛn-
(Min. 4) -BOBHLAA- -DA ˈˈOO -DA. (lmd ˈcɩaandhɛ- 2 ˈˈdhru ˈˈzaan- 4)
6. ˈTmʋn dhɩ dea -gwlɩˈˈ aˈ dɩ
(Min. 5) Dhɛtoɛ-. Ijwfq-F 59: Bo ɔˈ ˈˈdhru: -Bho fɛtɩ -nmɔn ˈˈjhrii -aeˈˈ ɛ se ˈˈjhrii -nmɔn ɔnˈ, -kawɛ Zoova aˈ -Bobhlaʋn an nʋɛnˈ jhibho- sʋn -ɛn? (th ˈcɩaandhɛ- 17)
ˈDhʋ aˈ 59 -nʋn
7. Dhɩ aˈ kpɛ taan -a ˈbhɛɛa -a ˈyea nʋn ˈdhe ˈˈdhruigbooɛ ˈmʋn -wɛeˈ -a ˈyea Zoova bho -bhlee- ɛ
(Min. 15) Aʋ ˈtmʋn ɛnˈ dɩ.
Dhɩ -duuˈˈ -a ˈbhɛɛ -a ˈye nʋn ˈdhe ˈˈdhruigbooɛ ˈmʋn -wɛeˈ -a ˈye Zoova bho bhlee-. Ɩanˈ kpɛ taan ka.
-Maʋa-: -Bho -nɩn ɲʋn sa -maʋa bhla aˈ -ˈtmʋn Zoova aˈ ˈdhiŋwɔnmɔɔɛn- ɛnˈ dɩ. (Ps 145:1, 7) -ˈŋwɔɛnˈ dɩ -aeˈˈ zroɛ dhɛ ɛˈ kpɔ dhueˈ ˈdhii -ɛ nʋn -ʋn dhɛjɛɛn ˈˈdhrui? -Jheɛˈ ˈmʋnan -dɩ ˈdhe -bobhlaaˈ? Ɲɔn nʋn dhɛ -aeˈˈ -ɔ ˈtmʋn dɩ -ɩn po -ʋn ˈkpɩ? Dhɩ jhia -aʋ ˈdhei Ɲɔnsoa nʋan, ɩanˈ dhueˈ de ˈˈjhriɛ ˈˈkpe -ɛ ˈˈmaan -ʋn -taiˈ? Ɩanˈ klɛɛ -nɩɛn- -baanˈ- -ɩn ˈghwlʋ ˈe Zoova bho. (Jc 1:17) ˈˈDoo- -ˈye ˈˈdhruigbooɛ ˈmʋn jhi -wɛeˈ -ye nɔnˈˈ ˈbhle -nɩn ɲʋn ˈye -ghwlu.
Ideedɩ aˈ ˈdhe -za: Po ˈe ˈkpɩ -ˈye ˈe ideedɩ -za ˈdhe ˈˈdhruigbooɛ ˈmʋn. (Ps 26:12) -ˈBhɛɛˈ -ˈye ˈe ideedɩ aˈ ˈfɔ kɔan ɲan ˈdhe -za -aeˈˈ -ˈye ɩanˈ ˈfɔ ɔˈ ˈsɔɔn nɔnˈdhe -za. -ˈBhɛɛˈ -ke -ˈye Biiblʋ aˈ ˈˈjhriɛ-, foto -aeˈˈ -ka ɲʋn ˈyea ˈsrɩn -ˈnɩn anˈ ˈˈjhriɛ ˈˈdu sʋn nʋn anˈ dɩ ˈtmʋn. Ɲʋn -duuˈˈ -a mun sʋn ˈˈjha -kpa -ke -ˈmɛn ˈbɔn ideedɩ -duuˈˈ aˈ dhe -zaa i. Ɲʋn -duuˈˈ a muɛn Ɲɔnsoa bho -bhleeɛ ˈbhɛɛ- -bho dɩ -aa ˈtmʋan ɩan zi segɔndɩ aˈ 30 dhi ɛˈ.—Hé 13:15.
ˈDhɩ: Bhle ˈBheɔglɔ ɔˈ ˈdhi ˈdhe ˈmʋnan ˈmʋn. (Ps 147:1) -Bho to sʋn ˈˈjha -wɛeˈ -ˈye ˈe dɩ -za aˈ, ɲʋn ˈbhɛɛˈ ɲʋn ˈse -ʋn sʋn ˈˈɩn -to i. ˈDhe ɲɔnsoagbu- -klaaˈˈ ˈdhi -mɛn ɛ ˈbhɛɛ ɛ ˈye -nʋʋɛn gblein. ˈKlaa nɔnˈˈ ooˈˈ nɔnˈˈ -bho ɲʋn sa bhle ɛˈ, -ˈbhɛɛˈ -ˈye bhle. -Bho ˈbhoo- -ˈˈgwlɩ se bhlei ˈdhɔɛˈ -nɩn -ˈmɔn -dhe ɛˈ, -bho -man sa ˈe ˈkpɩ po -man sa bhle ɛˈ, ɛɛ nʋɛn Zoova ˈtʋn! (2Co 8:12) -ˈBhɛɛˈ -ˈye -ˈman ˈˈjɛ kpɔˈˈ po ˈbho ˈdhɩ aˈ ˈcɛɛan ˈdhe ŋmɛinˈˈ.
Po ˈo VIDEO -A jhibho- -aaˈ -glibha aˈ bo: -Aaˈ ˈdhɩ -nɩɛn- -baan-ˈ, ˈFɔ 1. -ˈMɛn po ˈe ideedɩ- nɩn:
ˈBho -aaˈ -glibha- aˈ -dee- -ˈnan anˈ, kawɛ -a nʋɛnˈ -to sʋn -ka Zoova aˈ bho bhleeɛ kɔandɩ -ɛ?
8. Ɲɔnsoagbu aˈ Biiblʋ ˈcɩan-
(Min. 30) bt-F cdh. 9 § 1-7, -deeghwlu- -ɛ -jhɛɛa ˈfɔ 3 -e ˈˈtɛʋn- ŋwʋn anˈ 70
