Dhɛ -ɛ dhbhaˈ ɲʋn anˈ -da -duuˈˈ ˈkpɩi ˈzɩan ɛmɛn -nɩn ɲʋn nɩan ɛɛˈ ka -ʋʋ ˈyea tɔˈdɩ ˈtmʋn ɛn, ʋʋ se -gwlɩˈˈ -de ka -nɩn. Ɲʋn anˈ -da -duuˈˈ se ɲʋn -anˈ dɩ ˈtmʋan da ˈzɔn da -gwlɩˈˈ de ˈbhodhe, -ɛ nɩan:

•   Poitikɩnʋʋn- -ʋaˈ -kɔɔan ɲʋn ʋʋ ˈbhlea aˈ ˈbɔɔndhɩ ɲan, -ʋa- zia ʋaˈ ˈsʋ ɔˈ dɩ.

•   Ɲʋn -ʋa- poa -manɩanˈ -ʋaˈ ˈtmʋan tɔˈdɩ ˈˈdhe -ʋa- ˈcra ɲʋn in ɛn.

•   Dɔsrɔ -e ˈsɛɩjhibhoʋn- -ʋaˈ zia ɲʋn anˈ dɩ.

•   Pliepaʋn anˈ klaeˈˈ -ʋa- nʋan poitikɩ ˈbho ɲʋn Ɲɔnsoa aˈ ˈtee -tɔɔɛn ɛnˈ gɔˈ ˈˈɩ ɛ.

 Dhɛ ɲʋn anˈ -da -duuˈˈ aˈ dea ʋaˈ ɲʋn tu -gwlɩˈˈ ˈˈdoo- -dheeˈ ka a, ʋʋ ˈbhleɛ ˈgɩn. Biiblʋ ˈtmʋʋɛn- -abʋ ʋn ˈnaan:

•   “Aʋaˈ dee- ɲʋn -ʋa- poa ɲʋn jie ˈbho ˈnɔn ˈkmʋn nʋn ˈdhi -e -glɔɲiɔn sea ˈbhɛɛ- -ɔ ˈyea ɲʋn ˈpʋʋ- -gwlɩˈˈ -dhe.”—Psaume 146:3, Bible du Semeur.

  Ɲɔn -nɩn ˈo -ɔ -nɩn -gwlɩˈˈ -de ka -ɔɔˈ dɩ Biiblʋ ˈtmʋn: Ɛ Zezi Klisɩ. Ɛ tɔˈdɩ- ɛ nɩn ɲɔn ˈdhɔɛeˈ -ɔ ˈghwlʋ da ˈbhlʋa ˈˈkpe ɛɛ nʋn zɩn anˈ kmɛnˈ, ˈklaa ɛ se ɛɛˈ ˈsʋ -nɩn. ‘Ɲɔnsoa po Zezi ˈBheɔ ˈˈdhe ɔɔˈ ˈbheɔdhɛ se -gwɛ -da ˈbhle, ɔɔˈ ˈBheɔglɔ ˈse i -zaa i ˈflɛ.’ (Luikɩ 1:32, 33) Zezi -nɩɛn- Ɲɔnsoa aˈ ˈBheɔglɔ ɔˈ ˈBheɔ ˈzɩan, ˈˈdhe ɔɔˈ ˈBheɔglɔ -dee ɲʋn ˈbhlea ˈmɛn ˈdhe jhaʋn ˈdhi.—Matie 6:10.

•   -Ka Zezi nɩan -gwlɩˈˈ -de -ka -bho ˈyeɛ i ˈŋwɔn ɔnˈ, -mɛnˈ zro ˈsɛɩ nɩn ˈdhii “Qui est le Roi du royaume de Dieu ?” -e “Qu’accomplira le royaume de Dieu ?”