AƲ -DE ˈˈJHRIƐ I!
2023: ˈKle ˈjhe -zʋn—Dhɛwɛ- Biiblʋ a ˈtmʋn ˈdhe ɛɛˈ dɩ ˈdhi -ɛ?
ˈDhɩ -ɩan- nʋʋan ˈnɔn 2023 zʋn ˈdhi ɛ, ɩan toɛˈ -ka dhɩ -ɩanˈ ghwlu Biiblʋ cɛan ɩmɩn- -nɩn ˈo ɲnɩanˈ an “dhebhɔɔghwɩ-.” (2 Timothée 3:1) -Aʋ -ŋmʋn -ka dhɩ -ɩanˈ ghwlu Biiblʋ cɛan -e dhɩ -aa ˈjheaˈ ˈˈjhibhaˈ a nʋan -jie- dhueˈ -kpa sʋn ɛn.
Biiblʋ aˈ ˈtmʋʋndɩ -e dhɩ -ɩan- nʋʋan zɩanˈ -e
“Tʋ -e tʋ aˈ -manɩanˈ.”—Matthieu 24:6.
“Ɲʋn -nɩn tʋ -vɔanˈ ˈfɛ -duu ˈdhii da ˈbhlʋa ˈˈkpe.” a
-Ŋmʋn ˈe ˈsɛɩ- nɩn ˈdhi “Ɲɔnwɛ- -ˈye ɲʋn zeie- ˈdhe tʋvɔʋn- ˈkwa -a?” ɛmɛn -e “ˈBhlʋibhleʋn -za mliaa aˈ ˈˈghwlʋʋ ghwlʋʋ ˈˈbun poodhɩ -diɛn- ɛnˈ dɩ.”
“ˈBhlʋa ˈye trɛ ˈbhlʋɩ ˈdhii.”—Marc 13:8.
“-Ɛ tbha ˈdhe 2023 zʋn anˈ -dee ˈnan an, dhɛ ˈbhlʋa nʋan -trɛ sʋn ˈdhe ɔˈ ˈfɛ ɛˈ 13 bho ɛ, ɛ ˈse ˈan -nʋʋɛn- kpɔ dhueˈ .” b
-Ŋmʋn ˈe ˈsɛɛ- nɛn ˈdhi “ˈBhlʋa -trɛˈ ɛ ye -jieˈ zi ˈdhe Turki -e ˈdhe Siri.”
“Dhɩ ˈbhleaˈ -faʋn anˈ ˈjheaˈ.”—Luc 21:11.
“ˈBhlʋa aˈ nɛnˈ -zɩɛ ɛˈ nɔnˈˈ ziˈ, ˈbhlʋa aˈ ˈˈplʋaˈˈ aˈ nɔnˈˈ -mɔn -ɔn jhi.”—Antonio Guteresɩ, ONI ɛˈ ˈˈdhrujhei- . c
-Ŋmʋn ˈe ˈsɛɛ- nɛn ˈdhi “ˈBhlʋaˈ aˈ nɛn ɛnˈ -jieˈˈ -ziɛ- ˈnɔn 2023 zʋn anˈ -voɔ- cʋ ˈdhi.”
“ˈMeɛn-.”—Matthieu 24:7.
“2023: -zʋn -dhee -ˈnʋʋn ɲʋn -ʋa- ˈjheaˈ ˈkle -wɛeˈ -ʋa- ˈˈɲɩanˈˈ ʋaˈ ˈˈgbuzɔncɛ dhiidhɩ ˈkpa ˈe ˈdhi.” d
-Ŋmʋn ˈe ˈsɛɛ- nɛn ˈdhi “ˈMeɛn- -gbaa i tʋ -e nɔnˈˈ ɔnˈ ˈˈɩ zian- anˈ dɩ.”
“ˈKmʋn anˈ ˈˈɩkman- an muɛn -jieˈˈ -zi.”—2 Timothée 3:1.
“ˈBho ɲʋn ˈˈmaan ˈɲnɩn ɛn, ɲɔn dhueˈ -ɔ ˈbhle ˈˈdhru ˈdhi ghwɛ.” e
-Ŋmʋn ˈe ˈsɛɛ- nɛn ˈdhi “Ɲʋnjhae aˈ ˈˈdhru ˈdhi gwɛ ɛˈ ˈˈkpe ˈkpa a ˈˈzruɛ ɲʋn.”
Dhɛwɛ- -ɛɛ mʋn -nʋʋɛn- ˈdhe 2024 zʋn ˈdhi -ɛ?
Dhɛ -ɛɛ muan -nʋʋɛn- ˈˈklein ˈdhe 2024 zʋn ˈdhi -ɛ, ɲɔn ˈyeɛ jhibho- ɔ se -nɩn. ˈKlaa dhɩ -ɩan- nʋʋan ˈnɔn ˈkmʋn an toɛˈ -ka nɔnˈˈ -dhɛ ˈˈzaan sia ˈo Ɲɔnsoa aˈ ˈBheɔglɔ -aeˈˈ ɲʋnbhleglibha a muan ˈo ɲʋnbhleglibhɩ aˈ gɔˈ ɔˈˈ ˈˈsi ˈˈdhe ɔɔ muan dhɩ -ɩan- nʋɛn -wɛeˈ -glɔɲiɔn ɔn ˈyea ˈkle i -za.—Daniel 2:44; Révélation 21:4.
-Da ɛɛˈ dhɛ tu ˈseaˈ ˈo ɲnin ke ɛ, -bho -aa sa zɔnˈ ˈˈdu ɛˈ, -a ˈˈbhii- ˈdhe Ɲɔnsoa bho ɔ ˈye -aʋ sʋn bho po. Dhɛ Biiblʋ ˈtmʋan ɛ ka:
“-Bho -faʋn an sa ˈʋn nʋn ɛnˈ, -mɔn ˈɩn de -gwlɩˈˈ.”—Psaume 56:3.
-Kawɛ -a ˈbhɛɛ -a ˈyeɛ -to -ka -a dea Ɲɔnsoa -gwlɩˈˈ -ɛ? -Ka Biiblʋ ˈnaan-glɔɲiɔn ˈsea -sea- i ˈdhe ˈkmʋn anˈ ɲan an, -aa ˈdha aʋ ˈmɛn aʋ ˈye dhɩ -duuˈˈ i ˈŋwɔn ˈdhe ɛɛˈ dɩ ˈdhi . -Ka -a -nɩn ɲʋn an nʋan Biiblʋ ˈcɩan sʋn ɛn, ˈdɩn ɛnˈ nʋanˈ ɩn -wɛeˈ dhɩ -ɩanˈ ghwlu Biiblʋ cɛan, -ka mɔn -e -manˈ ˈˈgbuzɔncɛ ˈbhɛɛa aʋ ˈyɩ ˈjɛɛn ˈdhi ˈjhee- ɛ, -ˈyeɛ ˈjhe.
a Foreign Affairs, “A World at War: What Is Behind the Global Explosion of Violent Conflict?” by Emma Beals and Peter Salisbury, October 30, 2023.
b Earthquake News, “Year 2023: Number of Major Earthquakes on Course for Record,” May, 2023.
c United Nations, “Secretary-General’s Opening Remarks at Press Conference on Climate,” July 27, 2023.
d Programme alimentaire mondial (PAM), « Une faim catastrophique ».
e Organisation mondiale de la santé, « Journée mondiale de la santé mentale », 10 octobre 2023.
-Ɩn nɩn ˈbhɛɛˈ ɩn ˈye ʋn ˈtʋn nʋn
ˈDHE -AAˈ DƖ ˈDHI
Aʋ dee- Biiblʋ ˈcɩan- in
Aʋ ˈtmʋn ideedɩ- Biiblʋ a za ˈe aˈ dɩ, -aeˈˈ ˈbɔn dhɩ -duuˈˈ i ˈŋwɔɛn- in ˈdhe Zoova aˈ -Bobhlaʋn anˈ dɩ ˈdhi.
