-Da Zezi nɩan da ˈbhlʋa ˈˈkpe -dhe ɛ, ɔ toɛ ɲʋndɩkmaan- ˈdhe ɲʋn bho. Ɲʋn ˈdhe bho ɔ toɛ gwlein ɛn, ɛ nɩn ɲʋn sea dhɛ ˈbhle -e ɲʋn nɩan ˈe ˈkledɩ- ˈdhi ɛ. (Matie 9:36) Ɔ -to ˈo ɔɔˈ ˈkmʋn ˈmɛn mɔn ɲʋn -ˈnʋʋn anˈ ˈjɛɛn ɛnˈ dɩ. (Matie 20:28; Zan 15:13) ˈDhe nɔnˈˈ -dhɛ ˈˈzaan ˈdhi ɛ, ɔɔ muɛn ɔɔˈ ɲʋnbhleɛ- -e ˈˈɩkman- ɔ ˈbhlea dhɛ ɔ nɩan Ɲɔnsoa aˈ ˈBheɔglɔ ɔˈ ˈBheɔ i -jhii ɔ ˈye ɔɔˈ ɲʋndɩkmaan- -to -kenɛnˈ ˈdhe ɲʋn bho ˈˈdhe ɔ ˈye sedhɛbhleɛ i -za da ˈbhlʋa aˈ klɛɛ ˈˈkpe.

 Dhɩ Zezi ɔɔ muan -nʋn -ka Biiblʋ a nʋan ɩanˈ dɩ ˈtmʋn sʋn -nmɔn -dheinˈˈ bho poaˈ i:

•   “Ɔ ˈghwlʋ ˈˈɲnuun -mɩɩnˈˈ bho ˈdhe ˈcɛ ˈˈklun, ɔ ˈpʋʋ- -nɩanˈˈ -jhei ɔˈ ˈˈɲnuun.”—Psaume 72:4.

  Dhɩ aˈ klɛɛ Zezi nʋan -aʋ- ˈˈdhrui -e -jɩn ɔɔ muan -aʋ ˈˈdhrui -nʋn ˈdhe ˈkmʋn anˈ ɲan an, -kawɛ -a ˈye ɛɛˈ -to sʋn nʋn -ka -a jhibhiˈˈ -ɛ? ˈDhe Luc 22:19 ˈdhi ɛ, Zezi ˈtmʋʋn- ɔɔˈ dhɛcɩaʋn- ʋʋ ˈye ɔɔˈ ˈmɛanˈ -glʋˈ bho po. Ɛɛˈ dɩ zʋn ooˈˈ zʋn ɛn, Zoova aˈ -Bobhlaʋn an ˈkpa -da dhueˈ ʋa po Zezi ɔˈ ˈmɛanˈ anˈ dɩ -glʋˈ bho. -Aa ˈdha aʋ ˈmɛn aʋ -nɩn -a ˈye -da dhueˈ ˈkpa -a ˈye Zezi ɔˈ ˈmɛanˈ -gwlɩinaanzɔn- -ˈyea -nʋʋɛn Dimansi 2024 ɛˈ -Touocʋ aˈ 24 ˈˈkpe.

-ˈBɔn -da Zezi ɔˈ ˈmɛan anˈ -ˈgwlɩinaanzɔn- ˈyea -nʋʋɛn in