-Bho -a -ŋmʋn dhɛ Biiblʋ a ˈtmʋan jha a, Aamagedɔn ˈse tʋ ˈye ˈkpa ˈbho ˈbhlʋa dhueˈ gbai ɔɔˈ ˈsʋ ˈdhi -nɩn. Ɛ nɩn ˈbhlʋɩ aˈ klɛɛ -ɩn ˈye -da dhueˈ ˈkpa -wɛeˈ -ɩn ˈye Ɲɔnsoa bho vɔn.

•   Ɛ ghwlu -ʋn ˈghwlʋ ˈe -ziisaɩn bho […] -ʋn ˈkpa ˈe ˈbheɔ -ˈˈwe aˈ klɛɛ nɩan da ˈbhlʋa ˈˈkpe -dheinˈˈ, -wɛeˈ ʋʋ ˈye i ˈgboo- ˈbho Ɲɔnsoa, -ɔ ˈbhlea ˈˈɩkmaan anˈ klɛɛ ɛɛˈ tʋ aˈ ˈghwɩ ˈˈkpe. […] Ghwlu nʋn -ʋn ˈghwlʋa ˈe ziisaɩn bho ˈgboo- ʋbʋ i -da ɲʋn an ˈdhaa ˈdhe Eble ghwlu ˈdhi Aamagedɔn.”​—Révélation 16:14, 16.

 “Aamagedɔn” ˈghwlʋɛ ˈe Eble ghwlu ˈdhi. Ka ɲʋn an ˈcrʋ ka: Aa Megidɔn, ʋn ˈdha “Megido -trʋ”. Megido -nɩɛn- Israɛbhlʋa- nɩan tɛnˈˈ ɛnˈ -glɔ dhueˈ. Ɛɛˈ dɩ -bho ɲʋn an sa ˈjhe ɛˈ, Aamagedɔn -tʋ ˈye ˈkpa ˈdhe Israɛbhlʋaˈ. Medido -e muaɛn orian se ˈˈɩ ˈbhɛ -wɛeˈ “ˈbheɔ -ˈˈwe aˈ klɛɛ nɩan da ˈbhlʋa ˈˈkpe -e ʋaˈ ˈsʋlɩˈˈ ˈye i ˈgboo- ˈdhemɔn.

 Ɲanzaadɩ- nɩan ˈe Révélation ɔnˈ ˈsɛɛ ˈdhi ɛ, -ka “ˈˈɩpoodɩ nɩan” ˈkamɔn- ɩn -nɩn. (Révélation 1:1) Aamagedɔn se ˈbhlʋa aˈ ˈfɔ -nɩn. Ɛ nɩn dɩ ˈbhlʋa aˈ klɛɛ ˈye ˈe ˈdhi -nɩn -ɛ ˈyeɛ -to -ka ˈbhlʋɩbhleʋn anˈ klɛɛ ɛɛ vɔan Ɲɔnsoa aˈ ɲʋnbhleɛ- bho ɛ. Ɛ nɩn ɔɔˈ ɲʋnbhleɛ ɛɛˈ bho -vɔɔɛn ɛnˈ dhebhɔɔ- -nɛn -ɛ ˈyea -nʋʋɛn.​—Révélation 19:11-16, 19-21