-Ka ˈˈkudhbhaa- -e dhɩ sea ˈˈɩ ˈsrɛ ɛɛ ˈˈduaˈˈ ɲʋn ˈkle ɛ, Zezi jhibhiˈ. Ɲʋn bhlɔ dɩ ˈˈkpe, ɲʋn bhlɔ nmiin -ka, ɔ se dhɛsaʋn- nʋn ɲʋn yeɔ ˈbho ˈpeejheʋn- ˈˈjhibhaˈ kpa, ɲʋn ˈse ɔɔˈ ˈpee ˈjhe -kajɔɔnka ˈˈdhe ʋʋ dhbhɔɔˈ -ka -saʋn -ka. -Bho ɔ se dhɛsaʋn -nʋn -mɔnˈ -dhe ɛˈ, ɔ za ˈo ɔɔˈ ˈˈjɛ -gwlɩˈˈ “ɔ ˈye ˈbho ɔɔˈ ˈkmʋn -to -wɛeˈ ɲʋn -duuˈˈ ˈye ˈpʋ.” (Matthieu 20:28; Jean 15:13) ˈZɩan an, Zezi -nɩɛn- Ɲɔnsoa aˈ ˈBheɔglɔ ɔˈ ˈBheɔ, ˈˈdhe ˈdhe nɔnˈˈ -dhɛ ˈˈzaan ˈdhi ɛ, ɔɔ muɛn ˈˈɩˈsreɛ- da ˈbhlʋa aˈ klɛɛ ˈˈkpe -jha ˈˈdhe ɔ ˈye ˈˈkudhbha- i -za ˈnɔn ˈkmʋn ɔnˈ klɛɛ.—Isaïe 42:3.

 -Bho Zezi -za dhɩsaɩn anˈ klɛɛ i ɛˈ, -ka ˈbhlʋa a muan -nɩn ɛn, Biiblʋ a ˈtmʋn ɛnˈ dɩ ˈmɛn:

•   “Nɔnˈˈ dhɛ ˈˈzaan gbai -si ˈo, ˈˈdhe ɲʋnsaɩn ˈse i -nɩn in -dheeˈ ka. ˈKlaa ɲʋn -ʋa- jha ʋaˈ ˈˈjɛ jha a, ʋa muɛn ˈbhlʋa ˈbhle- ˈˈdhe ʋʋ ˈye ˈflɛ ɛˈ ˈtrɔn ˈdhi dɔ ˈˈkpe.”—Psaume 37:10, 11.

 Dhɩ aˈ klɛɛ Zezi nʋan -aʋ- ˈˈdhrui -e -jɩn ɔɔ muan -aʋ ˈˈdhrui -nʋn ˈdhe ˈkmʋn anˈ ɲan an, -kawɛ -a ˈye ɛɛˈ -to sʋn nʋn -ka -a jhibhiˈˈ -ɛ? ˈDhe Luc 22:19 ˈdhi ɛ, Zezi ˈtmʋʋn- ɔɔˈ dhɛcɩaʋn- ʋʋ ˈye ɔɔˈ ˈmɛanˈ -glʋˈ bho po. Ɛɛˈ dɩ zʋn ooˈˈ zʋn ɛn, Zoova aˈ -Bobhlaʋn an ˈkpa -da dhueˈ ʋa po Zezi ɔˈ ˈmɛanˈ anˈ dɩ -glʋˈ bho. -Aa ˈdha aʋ ˈmɛn aʋ -nɩn -a ˈye -da dhueˈ ˈkpa -a ˈye Zezi ɔˈ ˈmɛanˈ -gwlɩinaanzɔn- -ˈyea -nʋʋɛn Dimansi 2024 ɛˈ -Touocʋ aˈ 24 ˈˈkpe..

-ˈBɔn -da Zezi ɔˈ ˈmɛan anˈ -ˈgwlɩinaanzɔn- ˈyea -nʋʋɛn in