-Da Zezi nɩan da ˈbhlʋa ˈˈkpe -dhe ɛ, ɔ -toɛ- ɲʋndɩkman- -klaaˈˈ ˈdhe ɲʋn bho. Ɛ nʋɛnˈ ɔ ˈye ɔɔˈ ˈkmʋn ˈsraa -zaa ʋaˈ dɩ. (Matthieu 20:28; Jean 15:13) ˈDhe nɔnˈˈ -dhɛ ˈˈzaan ˈdhi ɛ, dhɛ ɔ nɩan Ɲɔnsoa aˈ ˈBheɔglɔ ɔˈ ˈBheɔ ɔˈ, ɔɔ muɛn ɔɔˈ ˈˈɩkman- Ɲɔnsoa ˈˈɲɩɔn dhbho ˈˈo -nʋʋn ˈdhe ɲʋndɩkmaan- ˈmʋn -wɛeˈ “ɔ ˈye tʋ i -za da ˈbhlʋa aˈ klɛɛ ˈˈkpe.”—Psaume 46:9.

 Dhɩ Zezi ɔɔ muan -nʋn ɛn, -ka Biiblʋ a nʋan ɩanˈ ˈtmʋn sʋn ɛn, aʋ -ŋmʋɛn jha:

•   “Ɔ muɛn ɲʋn sea dhɛ ˈbhle -ʋa- ˈbɔan sʋnbhopoɛ- i -e ɲɔn ɲʋn an ˈˈduaˈˈ ˈkle -e ɲɔn sea sʋnbhopoi- ˈbhle zeie-. Ɔɔ muɛn ɲɔn ɲʋn an ˈˈduaˈˈ ˈkle -e ɲɔn sea dhɛ ˈbhle ʋaˈ -ghwɛɛe- ˈjhe-. Ɔɔ muɛn ɲʋn sea dhɛ ˈbhlea ˈpʋʋ-. Ɔɔ mubʋ zeie- ˈdhe ɲʋn -ʋa- ˈˈduaˈˈ ɲʋn ˈkle -e ˈdhiŋwɔɲniʋn- ˈkwa.”—Psaume 72:12-14.

 Dhɩ aˈ klɛɛ Zezi nʋan -aʋ- ˈˈdhrui -e -jɩn ɔɔ muan -aʋ ˈˈdhrui -nʋn ˈdhe ˈkmʋn anˈ ɲan an, -kawɛ -a ˈye ɛɛˈ -to sʋn nʋn -ka -a jhibhiˈˈ -ɛ? ˈDhe Luc 22:19 ˈdhi ɛ, Zezi ˈtmʋʋn- ɔɔˈ dhɛcɩaʋn- ʋʋ ˈye ɔɔˈ ˈmɛanˈ -glʋˈ bho po. Ɛɛˈ dɩ zʋn ooˈˈ zʋn ɛn, Zoova aˈ -Bobhlaʋn an ˈkpa -da dhueˈ ʋa po Zezi ɔˈ ˈmɛanˈ anˈ dɩ -glʋˈ bho. -Aa ˈdha aʋ ˈmɛn aʋ -nɩn -a ˈye -da dhueˈ ˈkpa -a ˈye Zezi ɔˈ ˈmɛanˈ -gwlɩinaanzɔn- -ˈyea -nʋʋɛn Dimansi 2024 ɛˈ -Touocʋ aˈ 24 ˈˈkpe.

-ˈBɔn -da Zezi ɔˈ ˈmɛan anˈ -ˈgwlɩinaanzɔn- ˈyea -nʋʋɛn in