¡KÄRE JA NGWANDRE MOKRE!
¿Ñobätä nitre brukwä krubäte jakrä? | ¿Dre nieta Bibliakwe?
Ja nuainta tare, gota, ni kwata bä jene ye nuainta tare aune juta madate rüta, ye aibebätä noticia tä blite.
“Nitre brukwä jakrä yebätä blitata krubäte redes sociales yete, bärira jire juta Israel aune Gaza tä rure jaben yebätä, aune yete nitre brükwa käme käkwe nitre nuainbare tare krubäte” (The New York Times, 15 noviembre 2023).
“Köbö 7 octubre yete ja käne, nitre tä ja nuainne tare aune brukwä bäri ja kräke ye kädrieta bäri ye tuin ni jokrä ie aune ye kite nirien bäri ye tä ni mike töbike” (Dennis Francis, presidente de la Asamblea General de las Naciones Unidas, 3 noviembre 2023).
Ni mada nuainta tare aune rüta, ye ñan kukwe mrä. Metrere Biblia tä blite nitre kirabe töi käme nämäne ja mike rü yekri aune nämänentre blite tare krubäte, yebätä tukwen nämäne betekä kadate ye kwrere nieta Bibliakwe (Salmo 64:3; 120:7; 140:1). Akwa kukwe käme aune nitre brukwä jakrä tuin nie ye ñan nierare nieta Bibliakwe.
Nitre brukwä jakrä: Kä mrä näire rabai bare niebare
Kukwe ketebu bätä nitre brukwä krubäte jakrä nieta Bibliakwe.
1. Kä krüte näire niebare kweNi jökrä ñan rabadi ja tarere kwärikwäri mada (Mateo 24:12). Aisete nitre rabadre ja tarere näre brukwä ja kräke kwärikwäri aune tä nitre mada töi mike nuainne (2 Timoteo 3:1-5).
2. Biblia tä niere “kä ngöi jökrä tä Diablu kisete” (1 Juan 5:19, NGT; Apocalipsis 12:9, 12). Nitre brukwä krubäte jakrä kä nengwane ni töi käme diablu tä gobrane yebätä.
Akwa Bliblia tä niere arato nitre brukwä jakrä, ye kä braibe te ñan rabaira aune diankä täte. Ne madakäre tä niere arato, nitre tä ja tare nike ja nuainta tare köböite, ye mikaita kwin kwe. Biblia tä käbämike:
Ngöbö “Niaratre okwä ñöi sökadite jökrä, aune gata ñaka rabaira, ni ñan rabai ulire, ja muaire aune ja tare nike jire. Kukwe känekäne nikanina ta” (Apocalipsis 21:4,TNM).