Juta kä jökrä biti tibien ye tä ja ñäkebiti Política ye köböite. Encuesta nuainbare kä 2022 centro de investigación Pew Research Center ye käkwe mikani gare, “nitre 65 por ciento (65%) juta 19 jene jene te ye ie kukwe ngwanintari, nitre ye käkwe niebare política ye köböite nitre kwati ye tä ja ñäkebiti aune töi ñan ja erebe yebätä partido jene jene yekri tätre ja mike”.

 Mä tä nüne känti ¿nitre tä ja ñäkebiti bäri política ye köböite? ¿Ñobätä tä nemen bäre? ¿Kukwe ne ükate raba? Dre nieta Bibliakwe ye mike ñärärä.

 Biblia käkwe mikani gare “kä mrä angwane” nitre kwati ñaka tädi ja ngwen kwin ye köböite ñaka tädi keteitibe.

•   “Kä mrä angwane, kukwe rabadi nakenkä taretare krübäte. Ñobtä ñan angwane ni kwati rabadi ja tarere kaibe au, [...] kukwe nuenbare rüere, ye abko ñan diandi jabti ta kwetre” (2 Timoteo 3:1-3).

 Nitre kwati tä ja di ngwen yebiti ta gobrantre kräke ñan tä nemen nuäre kukwe ükatekäre kwin. Nitre ruäre ñaka tä töbike ja erebe ye medenbätä ñan tä nemen nuäre kräketre sribikäre gwairebe o kukwe ruäre ükatekäre. Kukwe jökrä tä nemen bare ne Biblia käkwe mikanina gare kirabe.

•   “Käre ni kä nebätä tä ni mada gobraine mikakäre ja tare nike” (Eclesiastés 8:9).

 Kukwe ye ükate raba ye Biblia tä mike gare, ni iti käkwe gobrandi abokän käkwe kukwe jökrä tä ni mike ja tare nike ye diainkä.

 Ni iti käkwe gobran jie ngwandi ni mada ñaka nuainbarera jire ye erere, ni ye raba kukwe tä nemen bare käbiti tibien ye ükete: Ni ye abokän Jesukristo. Niara die tärä aune raba kukwe ükete bätä tö ni tuabätä nüne jäme aune keteitibe kä jökrä biti tibien.

•   “Kä ye näire nitre töi kwin ye rabai kwati krubäte, aune nüna jäme” (Salmo 72:7).

•   “Juta jökrä ye käkwe mikadi täte” (Salmo 72:11).

 Jesús ye abokän ni jie ngwanka bäri kwin ñobätä ñan aune töita bökän ni itire itire bätä aune tö dimikabätä arato nitre bätä kukwe nuainbare tare yebätä töita bäri.

•   “Ñobätä ñan aune niarakwe nitre bobre tä ja di ribere ye mikai kwäre, aune nitre tä ulire bätä nitre dimikaka ñaka ye mikai kwäre kwe arato. Ni töi bobre aune ni ñaka jondron bökäne ye rabai tuin bobre ie aune nitre bobre ye mikai kwäre kwe. Ngwanta ja tare nike aune kukwe tare nuaintabätä yebätä niarakwe mikai kwäre” (Salmo 72:12-14).

 Gobran Ngöbökwe jie ngwanta Jesukwe ye raba mä dimike ño aune mä raba dre nuainne ja mikakäre gobran yekri ye mäkwe mika gare bäri jai.

•   Video ¿Dre abokän Gobran Ngöbökwe? ye mäkwe mika ñärärä

•   Mäkwe ñäkä artículo “Gobran Ngöbökwe ñaka kukwe blo nuaindi” yebätä.