Kä 2023 kömika bike aune ni jökrä tö kukwe kwin tuai nemen bare ja kräke aune ni mräkätre kräke, ¿ñobätä ni raba tö ngwen kukwe kwin ie?

 Kukwe keta kabre tare ben ja tuata ne ngwane ye jötrö aune ükate köböra ye nieta Bibliakwe. Biblia “abko tikani ni töi tikakrä amne kukwe tikani kira, ye abko btä nikwe nünandrekä dite käre amne tä kä mike nuäre nibtä, ye köböire ni rabadre tödeke kärekäre” (Romanos 15:4).

•   Kukwe käbä mikata Bibliakwe ye mikakäre gare bäri jai mä raba ñäke artículo “La esperanza real de un mañana mejor” yebätä.

 Kukwe käbä mikata Bibliakwe ye raba nemen ancla ye kwrere ni kräke (Hebreos 6:19, nota mrä tibien). Ye raba ni töi mike jäme, raba ni dimike ja tuin kukwe nengwane yebe, raba ni dimike töbike kwin aune kä juto kärekäre ye raba nemen nikwe. Ñodre:

•   Ni iti nämäne ja tuin adicción ben yebätä kukwe käbä mikata ye käkwe dimikani ño ye tuin video, Ti nämä jondron nuainne ye rababa tuin blo krubäte tie yete.

•   Ni mräkä tä krüte ni kän ngwane kukwe käbä mikata Bibliakwe ye raba ni dimike ño ye tuin vide, Ni tare nikwe tä krüte nikän ye tare krubäte yete.

 Kukwe kwin rabadre bare ye nitre kwati tä ngübare, akwa dre ie tödekata kwetre ye rabai bare ya ye ñaka gare ietre. Akwa kukwe käbämikata Bibliakwe ye jene. ¿Ñobätä? Ñobätä ñan aune kukwe käbämikata Bibliakwe ye kite Jehová “Ngöbö a ñaka ni ngökö” yekri (Tito 1:2) Jehová aibe raba kukwe käbämikata kwe ye mike nemen bare, tö dre nuain ye raba mike nemen bare täte (Salmo 135:5, 6).

 Bibliata kukwe käbämikata ye nunta mä nübaire mike gare jai. Mäkwe tödekadre bäri yekäre “ja tötike käre köbö kratire kratire tärä Ngöbökwebätä” (Hechos 17:11). Mäkwe mika gare jai nun testiko Jehovakwe tä ni tötike ütiä kärä ñaka yebiti. ¡2023 ye kömikai kwin ye ie mäkwe tö ngwan!