¡KÄRE JA NGWANDRE MOKRE!
Kä 2023 nitre kwati namani ja töibikaire | ¿Dre nieta Bibliakwe?
Kukwe nakaninkä käbiti tibien kä 2023, ye tä mike gare metre, nita nüne “kä mrä” näire, nieta Bibliabätä erere (2 Timoteo 3:1). Kukwe nemen bare matare ye Biblia mikanina gare. Ñodre, ani rüare ye mike gare jai.
Biblia aune kukwe nakainkä käbiti tibien
“Blita rabadi kabre rübtä” (Mateo 24:6).
“Rüta aune ni nuainta tare ye kite nemen bare bäri kä kabre känti”. a
Kukwe “¿Nitre ñan ja kite rübätä ye nirekwe kriemikai?” aune “El gasto militar mundial sobrepasa los 2 billones de dólares ye mikadre ñärärä”.
“Dobo rabadi nakaenkä kä ketareketare temen” (Marcos 13:8).
“Enero 2023 nükebe nengwane, dobo kri 13 nakaninkä kä ñäre tibien. Dobo krikri ye magnitud 7 näre o bäri dite. Dobo krikri ye erere ñan namani bare kä kratibe te”. b
Kukwe “Terremotos devastadores en Turquía y Siria ye mikadre ñärärä”.
“Jändrän krikri krübäte mikadi tuadre” (Lucas 21:11).
“Kä ngire krubäte nie nämäne ye nikanina ta. Nengwane blitadre kä nibi jutra ngitiekä yebätä” (António Guterres, secretario general de las Naciones Unidas). c
Kukwe “Ola de calor mundial en el 2023 ye mikadre ñärärä”.
“Mrö nika”(Mateo 24:7).
“Kä 2023: Ñan nemen nuäre nitre kwati kräke mräkätre ngübakäre, medenbätä töibikata kwetre”. d
Kukwe “La guerra y el cambio climático empeoran la crisis alimentaria mundial ye mikadre ñärärä”.
“Kukwe rabadi nakenkä taretare krübäte”(2 Timoteo 3:1).
“Bren ruäre köböite ni töi ñan sribire kwin ye ben nitre kwati tä ja tuin”. e
Kukwe “El alarmante deterioro de la salud mental de los adolescentes ye mikadre ñärärä”.
¿Dre rakaikä kä 2024?
Dre rakaikä kä 2024 ye ñan gare metre ta nie. Akwa kukwe tä nemen bare matare ye tä mike gare, gwä ngwane Gobran Ngöbökwe tä kä kwinbätä, käkwe gobran kä nebätä diainkä aune kukwe meden tä ni mike ja tare nike aune töbike krubäte ye ñan rabai mada (Daniel 2:44; Apocalipsis 21:4).
Nita kukwe kwin ye ngübare, akwa nita nemen töibike krubäte matare ngwane ni raba ja di kärere Ngöbö ie. Biblia tä niere:
“Kä jüräta nemen tibätä ngwane, tita tö ngwen mäi” (Salmo 56:3).
Nita tö ngwen Ngöböi ye ¿Ni raba bämike ño? Biblia tä blite nüna kwin ja känenkäre, ye nunta mä nübaire mike gare jai. Ni tötikata Bibliabätä yekwe mä dimikai ja kite kukwe käbämikata Bibliabätä aune ye raba mä aune mä mräkätre dimike ño.
a Foreign Affairs, “A World at War: What Is Behind the Global Explosion of Violent Conflict?” (Un mundo en guerra: ¿Qué hay detrás de la explosión mundial de conflictos violentos?), Emma Beals aune Peter Salisbury; 30 octubre 2023.
b Dobo kri mikata noticiate, “Dobo kri nakaninkä kä 2023 ye ñan tuabare jire erere” mayo 2023.
c Naciones Unidas, “Secretary-General’s Opening Remarks at Press Conference on Climate” (secretario general kukwe niebare clima yebätä) 27 julio 2023.
d Programa Mundial de Alimentos, “Mrö nika käbiti tibien ye tare”.
e Organización Mundial de la Salud, “Día Mundial de la Salud Mental” 10 octubre 2023.