Nitre olo ngidianinte 70 millones tä kä jokräbiti tibien, nitre ye tä blite kisebiti kukwe 200 biti. Akwa nitre olo ngidianinte kwati mikata tuin ngwarbe jai, ñodre:

•   “Kä jökräbiti tibien nitre olo ngidianinte aune nitre ie kukwe ñan ruin kwin mika ñan ütiäte jai ” National Association of the Deaf (U.S.).

•   “Juta kri kri ütiäte känti nitre olo ngidianinte tä nune ye bäri bobre ni mada bobre kräke, mika ñaka ja tötike, sribire aune jondron mada nuainne” World Federation of the Deaf.

 ¿Nitre olo ngidianinte ye tuin ño Jehovai? ¿Biblia tä dre mike gare bätätre? Aune ¿nitre testiko Jehovakwe tä dimike ño kä nengwane?

Ngöböta mike tuin ño jai

 Jehová töita nitre olo ngidianinte yebätä a, mikadre tuin ütiäte jai, diridre ietre ie tö.

 Texto: “Ni olo ngidianintebätä mäkwe ñaka kukwe käme nie” (Levítico 19:14).

 Texto: “Ngöbö abrä ñan tärä ni kitete (Hechos 10:34; NGT).

 Texto: “Jesús nikani dikekä juta krikri te . . . kukwe kwin Gobran Ngöbö käite driere ietre” (Mateo 9:35).

 Texto: Jesús nitre “olo ngidianinte ie tä ni kukwei mike ruenta. Ni kukwei ñakare abko tä kukwe tike sere” (Marcos 7:37).

 Texto: “Nitre olo ngidianinte yei ni kukwei rabai ruin” (Isaías 35:5).

 Dre gärätä: Jehová niebare nitre olo ngidianinte ie ni kukwei juradita (Isaías 29:18).

Nitre testiko Jehovakwe tä nitre olo ngidianinte dimike ño nengwane

 Nitre testiko Jehovakwe, tä kukwe kwin käbämikata Ngöbökwe mike gare nitre olo ngidianinte kä jökräbiti tibien ie. ¿Ne rabadre bare yekäre dre nuainta nunkwe? Nunta Biblia aune video kwite 100 biti bäri kukwe señas yebiti. Nunta nitre tötike aune gätä nuainne kukwe señas yebiti. Ne ütiä kärä ñaka, nire tä Ngöbö kukwei ribere jai ye käke. ¿Ñobätä? Ñobätä ñan aune Jesús niebare: “Munkwe jondron ne kani ngäbiti ngwarbe, angwane bian ngwarbe arato munkwe” (Mateo 10:8; NGT).

 Mä tö kukwe mikai gare bäri jai ngwane mä raba niken internet yete o mä raba denka jai celular yete:

 JW.ORG. Kukwe medenbiti mä torba kukwe keteiti känäi señasbiti, mä raba niken mintrini yete medente mä torba clik mike mä raba nuainne.

 Aplicación JW Library Sign Language. Mä raba aplicación ne denkä jai celular yete, yete mada mä raba video tä kukwe señas yebiti ye denkä jai arato

¿Jondron meden tärä nitre olo ngidianinte dimikakäre?

 Biblia kukwe señas yebiti. La Traducción del Nuevo Mundo de las Santas Escrituras en Lenguaje de Señas Americana ne Biblia kena kwitani täte, kä jökräbiti tibien kukwe señas yebiti. La Traducción del Nuevo Mundo de las Santas Escrituras en Lenguaje de Señas, Biblia ne rüäre kwitanina täte kukwe jene jene señasbiti aune kä kwatire kwatire kukwe madabiti kwitata. (Biblia tä internet kukwe jene jenebiti, mä raba recuadro “ La traducción del Nuevo Mundo en Lenguaje de Señas” ye tuin).

•   Mä raba video La Traducción del Nuevo Mundo completa en lenguaje de señas americano ya está disponible ye tuin aune Biblia nitre blitaka kisebiti kräke ye nuainta ño yebätä mä raba ja kite.

•   Mä torba ñäke bäri Bibliabätä ngwane mä raba aplicación JW Library Sign Language ye denkä jai. Biblia de señas yebätä bersikulos meden mä torba tuen ye tä aplicación nete.

•   Dmytro aune Vita ye olo ngidianinte aune monsotre kwe ye tä kukwei nuin, Biblia tä señasbiti mikata ñärärä kwetre ye köböire dre kwin tä nemen kwetre .

 Videos ni kitakäre Bibliabätä. Nitre testiko Jehovakwe käkwe videos sribebarera nitre olo ngidianinte kräke Biblia mikakäre nuke gare jai aune mikakäre täte. . .

•   El matrimonio y la familia

•   Monsotre bati

•   Kiatre

 Mä torba ja kitai Bibliabätä. Ñongwane bäri kwin mä kräke ye ngwane mä raba ja kite ni iti ben, Biblia kukwe señas yebiti. Mä raba nitre tötikata ño Bibliabätä ye tuin.

 Jeson Senajonon ye tä nune Filipina. Niarakwe ja ketabare ño kwin Ngöböbe, tötikabare Bibliabätä ye köböire ye mä raba tuin.

 Mario Antúnez ye nämäne ji ngwankä Iglesia keteiti Hondura yekänti. Kukwe ruäre Bibliabätä nämäne ngwentari jai, ye niara tä mike gare “Tenía muchas preguntas y pocas respuestas” mä raba mike ñärärä.

 Gätä aune gätä kri. Gätä nuainta señasbiti kä jokräbiti tibien, känti nitre olo ngidianinte. Tä niken bämän kratire kratire Ngöbö mikakäre täte. Arato gätä kri kri nuainta kä kwatire kwatire kukwe señasbiti, yete ni mikata blite kisebiti gätä kwitakäre. Ne madakäre täräkwata nuainta braille aune ütiä kärä ñaka.

•   Konkrekasion bäri känime känändre.

•   Gätä nuainta kä kwatire kwatire yebätä mä ja kita.

•   Gätä bäri ütiäte nuainta Jesús ja nire biani ngwanta törö jai yebätä mä raba niken.

 José Luis Ayala tä nune México. Därebare olo ngidianinte akwa biti okwä nikani ngwarbe. Ño niara namani ni tötikaka kwin Biblibätä ye mike gare jai.