NITRE NÜBAIDI JESÚS JA NIRE BIANI NGWAINTA TÖRÖ JAI YE KRÄKE
Jesukristo rü mikai krüte
Ni tare krübäte Jesukwe bämikani kwe nämäne kä tibienbätä ngwane, yebätä ja murie biani ni kräke kwe (Mateo 20:28; Juan 15:13). Ni tare kwe ye köböra bämiketa nie: rabaira reire gobran ngöbökwe yete ngwane, “rü ye mikai krüte kä jökräbiti tibien” kwe (Salmo 46:9).
Dre nuaindi Jesukwe yebätä Biblia tä dre niere ye mike ñärärä:
“Niarakwe nitre bobre tä ja di ribere ye mikai kwäre, aune nitre tä ulire bätä nitre dimikaka ñaka ye mikai kwäre kwe arato. Ni töi bobre aune ni ñaka jondron bökäne ye rabai tuin bobre ie aune nitre bobre ye mikai kwäre kwe. Nitre ngwanta ja tare nike aune kukwe tare nuaintabätä yebätä niarakwe mikai kwäre, aune nitre ye därie rabai ütiäte niara okwäkänti” (Salmo 72:12-14).
¿Jesukwe dre nuainbare aune dre nuaindi ni kräke yebätä debe bian raba ño ie? Jesukwe ja nire biani ye nitre ja tötikaka kwe rabadre ngwenta törö jai, niebare kwe Lucas 22:19 yekänti. Yebätä nitre testiko Jehovakwe tä ja ükekrö kä kwatire kwatire te ja nire biani kwe ye ngwankäreta törö. Nunta mä nubaire jabe Jesús ja nire biani ni ütiäre ye ngwankäreta törö. Nuaindi marzo 2024 domingo 24 yete.