¡KÄRE JA NGWANDRE MOKRE!
Jondron ütiä kite bäri kabre käbiti tibien. ¿Biblia tä dre niere?
Kukwe mikani gare junio 2022 yete, “jondron ütiä kite bäri kabre käbiti tibien bobukäreta” ye mikani gare presidente Banco Mundial yekwe. Akwa ne ngwane “jondron ütiä kite bäri kabre krubäte aune ngwian ñaka nitrekwe ye ben ja tuata”.
“Gasolina aune mrö ütiä kite bäri kabre krubäte käta juta nünanka bobre ye mike ja tare nike krubäte”, ye mikani gare Fondo Monetario Internacional yekwe.
Jondron ütiä kite kabre krubäte yebe ñobätä nita ja tuen, ni raba ja tuen ño kukwe ye ben aune kukwe ne ükate raba kärekäre ye ie ni raba tö ngwen ye Biblia tä mike gare nie.
“Kä krüte” nengwane jondron ütiä kite bäri kabre krubäte
Kä näire nita nüne ye abokän “kä krüte” näire mikata gare Bibliakwe (2 Timoteo 3:1).
“Jondron krubäre” rabadi nakainkä käkwe nitre ngwandi nikenkä niebare Jesukwe (Lucas 21:11). Jondron ütiä tä nemen bäri kabre ye ngwane, nitre tä nemen nikenkä ñobätä ñan aune dre rabadi bare ja känenkäre aune niaratre di rükadi mräkätre kwe ngübakäre o ñakare yebätä tä nemen töbiketari.
Mrö ütiä rabadi bäri kabre kä ne näire mikani gare tärä Apocalipsis yebätä. “Ngwian ganaindre köböiti abko biandre jökrä trigo kilo kratibe btä. Erere arato, ngwian ganaindre köböiti abko bti sebada kökadre kilo krämäbe jökrä, akwa olibo köi amne uba döi, ye abko makwe ñan juan ngwarbe jire chi” (Apocalipsis 6:6).
Profecía tä tärä Apocalipsis yete aune nita nüne kä krüte näire yebätä mä tö kukwe mikai gare bäri jai ngwane, mä raba video En 1914 el mundo cambió de rumbo ye mike ñärärä aune artículo “¿Qué representan los jinetes del apocalipsis?” yebätä ñäke.
Jondron ütiä kabre krubäte ye ñan rabaira
“Niaratre ju sribedi aune nünain te kwetre, niaratre uva nökai aune ngwä kwetai kwetre. Niaratre ju sribedi akwa ni madakwe ñaka nünain te, niaratre nura nökai akwa ni madakwe ñaka kwetai” (Isaías 65:21, 22).
“Nura ngwä rabai krubäte käbiti tibien; ngutuäbiti kwin ngwä rabai bäri ere krubäte” (Salmo 72:16).
“Nitre tä ja tare nike aune mikata ja tare nike bäri bätä nitre bobre tä muen ye ütiäre ti rükadi krö aune tikwe kukwe nuaindi kräketre, mikata gare Jehovakwe” (Salmo 12:5). a
Kukwe ñaka kwin nuainta köböite jondron ütiä nemen kabre krubäte ye Ngöbö köböra denkä kärekäre juta keta kabre känti kä jökräbiti tibien ye mikata gare kwe. ¿Nuaindi ño kwe? Ye mikakäre gare bäri jai mä raba ñäke artículo “¿Es realista esperar un sistema económico justo?” yebätä.
Ngöbö jämi kukwe ye denkä ye känenkri Biblia raba ni dimike ja tuakäre jondron ütiä tä kabre krubäte yebe. ¿Biblia tä nuainne ño? Ni raba dre nuainne ñaka ngwian kitakakäre ngwarbe ye Biblia tä driere nie (Proverbios 23:4, 5; Eclesiastes 7:12). Mä tö kukwe mikai gare bäri jai ngwane, mä raba ñäke artículo “Cuide su economía” aune “Cómo vivir con menos” yebätä.
a Ngöbö kä abokän Jehová (Salmo 83:18)