•   “China yete käta bäri ngire aune bämäkäre käta moren krubäte ñan nemen bare erere mikani gare” (The Guardian, 7 septiembre 2022).

•   “Kä bike niken kwärike ta jire yete kä Cuerno de África ye bike nuin nötare mikata gare” (Noticia ONU, 26 agosto 2022).

•   “Europa bäsi ötare yete kä jatai bäri ngire ye mikata gare, ñan nemen bäre kä 500 nikanina ta yete ye erere” (BBC News, 23 agosto 2022).

 Kä moren krubäte nemen bare ye rabai bare jankunu o kä rabai bäri ngire ye nitre ja tötikaka kukwe yebätä tä mike gare. ¿Ni rabai nüne bäri kwin ye ni raba ngübare? ¿Biblia tä dre mike gare?

 Kukwe ne rabai bare ni näire mikata gare Bibliabätä:

•   “Ni kwati rabadi mrö nike krübäte” (Mateo 24:7).

 Kä tä nemen moren krubäte ye ngwane bä kabre mrö nikata arato. Aune metrere mrö nika ye köböite dre nemen bäre ye mikata gare Bibliabätä: Ja tare nikata aune nitre tä krüte (Apocalipsis 6:6, 8).

 Ñobätä kukwe ye nemen bare metrere ye Biblia tä mike gare keteiti. Yete nieta:

•   “Ni kä nebätä ie ja jie ngwandre ño ye ñaka gare jire” (Jeremías 10:23).

 Kukwe ñaka kwin rabai bäre nitre kä nebätäbätä ja gobrandi kwe o ‘ja jie ngwandi’ akwle kwetre ngwane, ye mikata gare texto yebätä. Aune bä kabre kukwe dianta kwetre jai ye köböite ñö ñaka krubäte aune kä nötare.

•   Ni kä nebätä köböite kä ngire gwä ngwane ye nitre científico kwati tä niere. Aune ye köböite kä jökräbiti tibien kä ruäre känti kä kite bäri nötare.

•   Ñö ükakröta ere ye raba krüte. ¿Ñobätä? Ñobätä ñan aune nitre tö jondron tuai ere jakwe o nitre político tö kukwe kwin tuai nemen bare ja kräke yebätä tätre kukwe nuainne, ye köböite kri keta kabre netata tibien, jondron tä niken ngwarbe aune ñan sribita kwin jondron jökrä kä nebätä yebiti.

 Akwa, Biblia tä kukwe kwin käbämike nie.

 Ñö ñaka krubäte ye Ngöbökwe ükaite ye Biblia tä käbämike. ¿Nuaindi ño kwe?

1.  1. “Nire käta kä temen ne juen ngwarbe abko” Ngöbökwe gaite (Apocalipsis 11:18). Kukwe keteiti köböite ñö ñakare krubäte ye diainkä: ye abokän nitre käme aune jondron tua tö krubäte jakwe köböite kä juanta ngwarbe ye diainkä (2 Timoteo 3:1, 2).

2.  2. “Kä ngire krubäte yebätä kä tibien nötare yekänti ñö okwä rabai aune nöräkrä ririai yete” (Isaías 35:1, 6, 7). Kä moren krubäte yebätä kukwe tare nemen bare ye Ngöbökwe diainkä aune kä tibien ne kwitai bä nuäre kwe yete ñö tädi ere.

3.  3. “Mätä kä tibien ngübare, mätä jondron mike ere te aune mätä jondron mike nemen krubäte te” (Salmo 65:9). Ngöbökwe kukwe kwin mikai nemen bare kä tibienbätä ye köböire mrö aune ñö kwin rabai ni jökrä kräke.