Sö Julio 2022, kä ñaka ngire erere kä namani ngire krubäte:

•   “Juta 70 China yete nitre mikata mokre kä käi ngire krubäte ketebukäre yebätä” 25 Julio 2022” noticia CNN Wire Service.

•   “Kä nukwe krubäre Europa ye tä kä käi mike bäri ngire krubäte ye nibi nitre ngwen ngwarbe ja kisete” 17 Julio 2022, periódico The Guardian.

•   “Juta keta kabre Estados Unidos yete kä nibi ngire krubäte. Kä käi nibi ngire krubäte Estados Unidos motorikri, kädrikri aune nedonkwäre” 24 Julio 2022, periódico The New York Times.

 ¿Ne dre gärätä? ¿Kia kia kä tibien ne ñaka rabaira nüna bä? ¿Dre nieta Bibliakwe?

 Jän. Kä kite bäri ngire krubäte kä jökräbiti tibien, ye erere rabai nemen bare ni näire niebare Bibliakwe. Ñodre, “jondron krubäre rabai nakainkä” aune “jondron keta kabre rabai tuin” niebare Jesukwe (Lucas 21:11). Kä kite bäri ngire kä jökräbiti tibien aune ye ni kä nebätä köböite ye gare nitre kwati ie.

 Ngöbökwe kä tibien sribebare ne kwe nikwe nünandre käre te. Kä tibien ne abokän ju kri ye kwrere Biani Ngöbökwe nie. Aisete nikwe nünandi käre te (Sal. 115:16; Ecl. 1:4). Ngöbökwe ñaka ni kä nebätä tuainmetre kä tibien ne juen ngwarbe täte, ñobätä ñan aune tä ne käbämike: “Nire nire käta kä temen ne juen ngwarbe” ye niarakwe gaite Apocalipsis 11:18, Kukwe Kuin Ngöbökwe.

 Ñodre profecía ketebu nete dre mada nuaindi Ngöbökwe ye mike gare jai:

•   “Kä ngwarbe nötare aune dobo nötare ye rabai kä ngwen juto jabätä, kä kiare nötare yebätä kä rabai juto aune blü rabaikä azafrán ye kwrere” (Isaías 35:1). Ngöbökwe ñaka kä ne tuainmetre nemen kä ngwarbe nötare ye erere ñakare aune bäri kwin niarakwe kä jökrä käme ye ükaiteta.

•   “Mätä kä tibien ngübare, mätä jondron mike ere te aune mätä jondron mike nemen krubäte te” (Sal. 65:9). Jehová kukwe kwin ñäkädi kä tibien kräke aune kwitai kwe bä nuäre.

 Cambio climatico ye tä profecía Bibliabätä mike nemen bare o ñakare ye mä törba mikai gare jai ngwane, mä raba ñäke kukwe nebätä: “¿Dre nieta Bibliakwe cambio climático aune kä ja känenkäre yebätä?”

 Kä tibien ne diaintari ño ye Biblia tä mike gare ye mä törba mikai gare kai ngwane, mä raba kukwe ne mike ñärärä: “¿Nire kä tibien ne diaintari?”