“Kä kite niken ngwarbe ye kokwäre nita näin. Juta kri kri niken ñöte, kä ñaka rababare ngire käne erere kä ngire. Ñü muriebe minimini krubäre. Ñö nibi ngrötö kä jökräbiti tibien. Jondron nire bätäkä aune kri keta kabre nibi nekä. Ne ñan kukwe bä mikata o ni ngwankäre nikenkä. Ye rabai bare bäri, gobrantre ñaka kukwe ükete sribita ño energiabiti yebätä ngwane”. (Nitre ie kukwe gare krubäte Cambio Climático yebätä käkwe kukwe mikani gare 4 abril 2022 ye ngwane, António Guterres, secretario general Naciones Unidas käkwe kukwe ye niebare).

 “Kä dianinkä ngübakäre (Parque nacional) Estados Unidos ye bäsi jökräbätä kukwe tare rabai bare kä bike kite ja känenkäre yete, cambio climatico ye köböite nieta nitre cientificokwe. Kä ye bäri tä ngwarbe kä kite ngire krubäte kä jökräbiti tibien ye kisete. Kä 423 dianinkä ngübakäre (parque) ye rä ötata kukwe tare ñan tuabare yekwe ñodre, kä nukwe krikri, kä niken ñöte, kä hielore niken ngütüe, mren niken kä ñainkä aune kä ngire krubäte”. (“Kä dianinkä ngübakäre Yellowstone, yete kä niken krubäre ñöte ye tä kukwe rakaikä ja känenkäre ye mike gare”, The New York Times, 15 junio 2022).

 Kukwe keta kabre käme tä kä tibien ne rä oto tare, ¿ye ükate raba? Jän ngwane, ¿dre raba ükete? Dre drieta Bibliakwe ye mike gare jai.

 “Nire käta kä temen ne juen ngwarbe abko” Ngökwe gaite nieta Bibliakwe (Apocalipsis 11:18). Bersikulo ne tä kukwe ketamä driere nie:

1.  1. Ni kä nebätä käkwe Kä ne nuaindi tare krubäte.

2.  2. Kukwe blo nemen bare käbiti tibien ye ükate raba.

3.  3. Ngöbökwe kukwe ye ükaite aune ñan ni kä nebätä.

 ‘Kä tibien täi kärekäre’ käbä mikata Bibliakwe nie (Eclesiastés 1:4). Käre nüna täi te.

•   “Nitre kukwe metre nuainkä yekwe kä tibien rabai aune nünain kärekäre te kwetre” (Salmo 37:29).

 Kä tibien ne rabaite nämäne kena ye erere aune rabai bä nuäre.

•   “Kä ngwarbe nötare aune dobo nötare ye rabai kä ngwen juto jabätä, kä kiare nötare yebätä kä rabai juto aune blü rabaikä azafrán ye kwrere” (Isaías 35:1).