Encuesta nuainbare a kä jökräbiti tibien, kä nikani mrä ta nete, yete nitre kwati ie ja ruin kaibe niebare kwetre.

•   “Nire tä kä mikeka ni madabätä o ja keteka kaibe gwi ye ie ja raba nemen ruin kaibe. Niena umbre o bati yebiti ta (Chido Mpemba, copresidenta de la Comisión de la Organización Mundial de la Salud sobre Conexión Social).

 Metrere, nitre tä kä mikeka ni madabätä o niena umbre, ye ñan aibe ie ja ruin kaibe, ñakare aune nitre bati tä kwin, o nune kwin aune ja mäkäninte ye arato. Ja ketakata kaibe gwi aune ja nemen ruin kaibe, ye köböite ni raba kite bren aune ni raba nemen ulire krubäte.

•   “Ja nemen ruin kaibe nie ye tä ni mike ja tare nike krubäte [...]. Ni ñan töta nemen ja tuabätä nitre mada ngätäite o kä mikakata, köböite ni raba krüte ye ja erebe sö duata köbö kwatire kwatire 15 näre yebe” (Vivek Murthy, director general de Salud Pública de Estados Unidos).

 Ni dätekä ye ñan tö ni tua ja ketekä kaibe gwi. Ja ketamuko kwin tädre nikwe abokän ben ni raba kukwe keta kabre kwin nuainne, yebätä Ngöbö töita käre.

•   Texto Bibliabätä: “Ngöbökwe niebare: Ni brare ne abko tä kaibe. Ye abko ñakare debe” (Génesis 2:18).

 Nikwe ja ketadre Ngöböbe ie tö. Ni rökrädi ken ngwane niara rökradi ni ken käbämikata kwe (Santiago 4:8).

•   Texto Bibliabätä: “Nire nire käta ja mike bobre Ngöböbtä, ye abko Ngöbökwe die mikadi amne kä rabadi nuäre btä, ñobtä ñan angwane Ngöbö kä käinbti tä gobrane bti” (Mateo 5:3).

 Nitre mada ben nikwe Ngöbö mikadre täte ie tö. Nita ye nuainne ngwane, käta bäri juto nibätä

•   Texto Bibliabätä: “Ja tarere kwärikwäri amne sribi kuin nuene jakrä kwärikwäri [...]. Ja die mike kwärikwäri näin gätäbtä” (Hebreos 10:24, 25).

 Ñobätä ütiäte ja di ngwandre jankunu ja ruin kaibe nie yebe ye mä tö mikai gare ja ngwane, mä raba ñäke kukwe “Soledad en la era de la comunicación.”