Sean Gladwell/Moment via Getty Images
¡KÄRE JA NGWANDRE MOKRE!
Ngwian kitakata rübätä kä jokräbiti tibien ye ririabare 2 billones jire | ¿Biblia tä dre niere?
Kä 2022 ngwian kitaninkä rübätä 2,24 billones jire ñan namanina bare jire erere, namani bare metrere rusia rübare Ucrania ben ngwane. Informe Abril 2023 del SIPRI, el Stockholm International Peace Research Institute (Instituto Internacional de Estudios para la Paz de Estocolmo), tä kukwe namani bare kä 2022 mike gare:
Ngwian kitakata rübätä Europa ye ririabare13% kä ye näire, kä kwatire kwatire gwian kitakata rübätä Europa ye nirien bäri, rübare kri yete ja käne.
“Mikata gare Rusia ngwian kitaninkä rübätä ye ririabare 9,2%. Rusia ye juta krärikekäre käkwe ngwian kitaninkä bäri rubätä
Estados Unidos ye bäri täbe jankunu ngwian kitekä rübätä: “Täte jokrä ngwian kitanikä 39% rübätä.”
Dr. Nan Tian niebare, “Ngwin kitakata bäri rübätä kä nikani mrä ta nete, nebiti tuin nie kä bäri käme te nita nüne”, coautor informe SIPRI.
Biblia mikani gare nitre políticos aune gobrantre kä jökräbiti tibien, rabaitre rüre aune kä jäme eramentre raba kwen medente nie ye mikani gare kwe arato.
Rü gaka jatai bäri niebare
Nita nune “kä krüte näire” niebare Bibliakwe (Daniel 8:19).
Nitre políticos aune gobrantre kä jökräbiti tibien rabaitre rüre, mikani gare tärä Daniel yebätä. Nitre ne tö rabadi ja gadi köböire “rü” gaikä kwetre. Rü gadikä ye köböire Oro, aune jondron ütiäte ye rurubändi (Daniel 11:40, 42, 43).
Profecía mikani gare Bibliakwe ne mä tö mikai gare bäri jai Ngwane, mä raba video Profecía Daniel kapitulo 11 nemen bare ye tuin.
Ñokänti kä jöme rükai
Biblia tä niere gobran kä nebätä tate gobran mada mikai. Ngöbö “kä kwinbiti käkwe gobran ükaite abokän ñaka gaite jire chi aune ñaka rabai juta mada kisete. Gobran yekwe gobrantre mada mrükaite bätä gaite jökrä aune gobran ye aibe rabai gobrane kärekäre” (Daniel 2:44).
Jehová a köböra kä jame erametre ye bien nie, gobrantre kä nebätä die ñan ye nuankäre. ¿Nuandi ño kwe? Gobran kä kwinbiti ye rü mikai krüte kä jökräbiti tibien aune jodron rükäre ye gaite jokrä kwe (Salmo 46:8, 9).
Gobran Ngöbokwe dre mada nuaindi mä tö mikai gare bäri jai ngwane, mä raba ñäke kukwe kädekata “El Reino de Dios traerá ‘paz en abundancia’” yebätä.
a Ngöbo ye kä Jehová (Salmo 83:18).