¡KÄRE JA NGWANDRE MOKRE!
Kukwe kwin ie ni raba tö ngwen kä 2024 yete | ¿Dre nieta Bibliakwe?
Kä 2024 yete kukwe kri nakainkä jankunu aune ñan raba ükete ye nitre kwati tä niere. Akwa kukwe kwin raba kwen nie tö ngwankäre ja känenkäre. ¿Medente?
Bibliata tö ngwankäre bien nie
Kukwe ñan nuäre o kri ben nita ja tuin ye Ngöbökwe diankä käbämikata Bibliakwe. Kä nebera braibe, känti “Ngöbökwe niaratre okwä ñöi sökadite jökrä ietre amne ni ñan krütadre jire iti mda amne ñan ja müaidre jire chi mda amne ñan ja müaidre ja tare nikabtä” (Apocalipsis 21:4).
Kukwe kwin käbämikata Bibliakwe ye mikakäre gare bari jai mä raba ñäke kukwe “La esperanza real de un mañana mejor” yebätä.
Biblia raba mä dimike ño nengwane
Biblia tä tö ngwankäre bien ja känenkäre nie, abokän raba ni dimike ja töibikata krubäte yebätä, aune ni raba tö ngwen kukwe ja känenkäre ie. (Romanos 15:13) Nunanta bobre, ni mikata tuin ngwarbe jai aune bren ben ja tuata yebätä. Biblia raba ni dimike.
Biblia köböire ni iti kwe kä juto aune kä jäme ye namani ño, nämäne nune bobre yebitita. Mä raba video Juan Pablo Zermeño: Jehová le dio propósito a mi vida ye tuin.
Ja ruin ngite mäi, mätä ulire, ja töibikaire krubäte aune ni mräkä iti krutani mäkän yebätä Biblia raba mä dimike. Mä raba ñäke kukwe “¿Puedo encontrar consuelo en la Biblia?”.
Meri iti nämäne kirabe rübätä, “niara töi romon aune brukwä ñaka” niebare kwe akwa Biblia dimikani ño tö ngwen kukwe kwin ie. Mä raba video “Cambié las armas por la Biblia” ye tuen.
¿Kä 2024 nete, kukwe kwin rabadre mäkwe aune mä mräkäkwe, ie mä tö? Yekäre Biblia raba mä dimike. Ja tötika Bibliabätä ütiä kärä ñaka ye mä raba kärere Programa ni tötikakäre bibliabätä aune Ngöbö raba mun töi mike ño jäme “kukwe kwin rabadre ja känenkäre munkwe aune munkwe tö ngwandre kukwe kwin ie” mike gare jai (Jeremías 29:11).