•   “Kä Estados Unidos yete nitre umbre kwati ie ja ruin kaibe nieta kwetre, monsotre niena ünä ye bäri tä ne niere (Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community [Informe de la máxima autoridad en salud pública de Estados Unidos sobre la soledad y el aislamiento], 2023).

•   OMS “käkwe mikani gare sribi mikai nitre ruäre kisete. Niaratre ye kädekata Comisión Conexión Social. Ja ruin kaibe nitre ie ye bren tare kwrere aune ükadrete jotrö, aisete comisión ne käkwe nitre dimikai ja kete kwin ni madabe aune kä jokräbiti tibien ja ruin kaibe nitre ie ye ükate raba ño ye känänta kwetre, juta bobre o ñakare yebitita” (Organización Mundial de la Salud, 15 noviembre 2023).

 Biblia tä mäträre kwin nibätä ne kwe nitre ja ketadre kwin.

 Kukwe nuainta köböite ja keta ñan raba ni madabe ye ñan nuain. Ñodre redes sociales. Ye täte mäkwe jondron nuain ni madabe aune yebiti ja ketamuko kwin raba nemen mäkwe.

•   Texto ütiäte: “Ja ketamuko erametre ye tätre ja tarere kä jökrä ngwane aune kukwe tare tä nakainkä ngwane tätre nemen ja eteba ye erere” (Proverbios 17:17).

 Mäkwe ni mada dimika. Nita kukwe kwin nuainne ni mada kräke ye tä ni dimike ja kete kwin niaratre yebe aune ye köböire jata nemen ruin bäri kwin nie aune kätä nemen bäri juto nibätä.

•   Texto ütiäte: “Ni jondron bianka yebätä kätä nuäre bäri, ni jondron ka ngäbitikä ye ngwä” (Hechos 20:35; NGT).

 Kukwe ja jie ngwankäre Bibliabätä mada, käkwe mä dimikai ja ketamuko kwin känene ye mä torba gai ngwane mä raba niken sitio Internet käi nunkwe yete.