Kä 2024 yete nitre kwati diankä mikakäre gräbiti kä jokräbiti tibien ñan namanina bare erere. Akwa nitre kwati ñan niena tö ngwen nitre político ie.

•   Nitre Estados Unidos kwati, nukani ja kiteka político kräke ye käkwe niebare, “nitre político ñaka töita metrere nitrebätä” metrere töita ja aibe bätä. (centro de investigación Pew Research Center, 19 de septiembre de 2023). a

 Monsotre kwati ñan tö ngwen nitre político ie arato.

•   “Kukwe tare nakainkä ye monsotre bäti töita ükatebätä, akwa nitre político ye ñaka dimike ükete, niebare kwetre encuesta nuainbare yete” (The New York Times, 29 de enero de 2024).

•   “Monsotre bati ye tä tö ngwe bäri nitre video sribekä internete ye ie (youtubers) aune ñan tö ngwen nitre político ie, namani gare encuesta nuainbare köböire” (The Korea Times, 22 de enero de 2024).

 Nitre político kukwe ükaite ja känenkäre ie tö ngwan raba? ¿Nire ie tö ngwan raba?

 Nire ie tö ngwain yebätä töbikadre käne ye kwin, ñobätä ñan aune Biblia tä niere. “Ni ie kukwe ñaka gare tä kukwe jökrä nieta ye mike era jai, akwa ni töbätä abokän tä töbiketari kwin ja käne” (Proverbios 14:15).

•   Ño mä raba ja ngübarebiti kukwe nieta mäi yebätä, yekäre mä raba ñäke kukwe “Cómo protegerse de la información falsa” yebätä.

 Nitre político ruäre töi kwin tä nebe tuin akwa biti ñan tärä kite ja ngwen kwin. Ye medebätä Biblia tä ni mike mokre:

•   “Munkwe ñaka tö ngwan príncipe aune nitre mada ie, ñobätä ñan aune ñan raba ni mike kwäre” (Salmo 146:3).

 Ni iti töi kwin bokän, abokon ie tö ngwan raba, Ngöbökwe kädekani nieta Bibliakwe: Ye Jesúcristo. (Lucas 1:32, 33) Jesús ye tä gobrane kä kwinbiti gobran Ngöbökwe yete (Mateo 6:10).

•   Ñobätä tö ngwan raba Jesús ie aune dre nuandi kwe kukwe tare ne ükatekäre ye mikakäre gare jai mä raba ñäke. Kukwe “¿Quién es el Rey del Reino de Dios?” aune “¿Qué hará el Reino de Dios?” yebätä