Juta keta kabre känti nitre ñan rabadre ja ken aune jä ükadrekrö ye gobrantre käkwe ñäkäibare. Kukwe ükaninte ye nun testiko Jehovakwe tö mikai täte aune nun tö ja ükaikrö jankunu arato. Ye medenbätä, konkrekasion kwati tä gätä nuainne aplicación Zoom, videoconferencia yebiti.

 Nun tädre gätä nuainne jankunu yekäre ngwain bianta yebiti cuenta Zoom kökadre konkrekasion kräke, mikani gare Nitre Braibe Konkrekasion Jökrä Ngübabitikä yekwe. Ye namani kwin krubäte konkrekasion ruäre kräke ñobätä ñan aune ñan raba ütiä bien aune cuenta ye 15, 20 o bäri yebätä. Konkrekasion ye ruäre nämäne gätä nuainne aplicación ruäre yebiti, akwa nitre braibe aibe kräke o ñaka kwin gätä nuainkäre. Konkrekasion meden meden tä gätä nuainne cuenta ütiä bianta juta Jehovakwe yekwe yebiti, yete nitre kwati raba ja ükekrö aune ja mräkätre raba sribire bäri kwinbiti. Kä nengwane, juta 170 jire te konkrekasion 65,000 tä gätä nuainne cuenta yebiti.

 Konkrekasion Kairagi, ciudad de Manado (provincia Célebes Septentrional, Indonesia) yete, ye nämäne gätä nuainne aplicación ñaka ütiä bianta yebiti akwa biti jatani gätä nuainne Zoom ütiä bianta juta Ngöbökwe yekwe yebiti. Ja mräkä Hadi Santoso tä mike gare: “Ja mräkätre ie kukwe nuain ñaka gare krubäte internet yebiti ye raba gätä kukwe nuin kwin krubäte, ñobätä ñan aune ñaka tä ja conectare bati bobu gätä kräke yebätä”.

 Léster Jijón hijo, niara tä sribire ni umbrere konkrekasionte Guayacanes Oeste, kä Guayaquil (Ecuador) yete, niara tä niere: “Ja mräkätrekwe ngwian ñaka krubäte, ye medenbätä ñaka rabadre nuäre konkrekasion kwati kräke cuenta Zoom ye kökakäre aune ñaka rabadre ja ükekrö gwairebe. Akwa nengwane juta Ngöbökwe ye köböire cuenta Zoom tärä nunkwe aune nitre kwati raba ja conectare gwairebe. Aisete nunta nitre nübaire ngwane, nun ñan kä töbikaire krubäte nane ñan raba ja conectare yebätä”.

 Johnson Mwanzaja mräkä tä konkrekasion, Norte Ngwerere, ciudad de Lusaka (Zambia) yete, niarakwe kukwe ne erere tikabare: “Bä kabre ja mräkätre tä kukwe ne erere niere nunye: ‘Zoom ütiä bianta juta Jehovakwe yekwe yebiti ja nemen ruin ja ken ja mräkätre ben nunye akwa ye ñan aibe ñakare aune Jehová tä nun tarere aune nun ütiäte kräke ye nemen gare metre nunye’”.

 Cuenta Zoom kökakäre ye ütiä bianta, ngwian diankata kukwe tare tä nemen bare ye kräke yete, ngwian bianta sribi Ngöbökwe kä jökräbiti tibien dimikakäre yete ngwian ye diankata. Ngwian ye bäsi jökrä bianta donate.pr418.com yete. Munta ja töi jeñebiti ngwian bien yebätä nunta debe bien krubäte munye aune ngwian yebiti kukwe tare tä nemen bare kä jökräbiti tibien ye dimikata arato (2 Corintios 8:14).