Video gätä kri regional kräke ye tä mate ni brukwäte aune tä Biblia mike nüke gare bäri kwin nie. Gätä kri regional 2020 “¡Käre kä ngwen juto jabätä!” ye kräke video114 sribebare aune video 43 yete kukwe kädriebare Nitre Braibe Konkrekasion Jökrä Ngübabitikä aune dimikaka kwe. ¿Sribita nuäi aune ngwian kitakata nuäi video ye sribekäre ye mä tärä ngwentari jai?

 Ja mräkätre 900 näre kä jökräbiti tibien käkwe kä dianinkä jai aune kukwe nuain gare ietre yebiti gätä kri regional 2020 ye sribebare kwetre. Kä kubu näre te gätä kri regional 2020 sribebare, yete ora 100,000 näre te sribibare. Ora 100,000 ye ngätäite 70,000 te drama minuto 76 näre te kädekata Nehemías: Kä juto kite Jehovakri ye tä ni dimike ye sribebare.

 Ngwian kitaninkä krubäte ja mräkätre sribikä ja töi jeñebiti ye ngübakäre, kä ükatekäre, dre ribe nämäne sribikäre ye känänkäre aune kä känänkäre

 Jared Gossman, tä sribire Servicio de Audio y Video yete, tä niere: “Kä bätäkä ngwarbe aune nitre bätäkä ngwarbe ye jutuadre videote ye ie Comité de Enseñanza Nitre Braibe Konkrekasion Jökrä Ngübabitikä yekwe töta nemen, ye köböire ni ja mräkäre kä jökräbiti tibien ye tä nemen gare bäri kwin. Sribi jökrä ye rabadre bare yekäre juta 11 te equipo 24 ükaninte, ye nuainkäre ngwian, kukwe ükaninte kwin aune blitabare kwin jabe sribi ye nuainkäre”.

 Video keta kabre ye nuainkäre jondron sribebare kwin sribi ye nuainkäre aune ükaninte jene jene ye ribeta. Ñodre, Nehemías: Kä juto kite Jehovakri ye tä ni dimike ye sribekäre kä ruäre ükaninte Mount Ebo, Patterson ken (Nueva York) yete. Sribikäre kwin ngwian bianta ja töi jeñebiti yebiti aune kä nämäne ño kirabe ye bämikakäre metre ta, ja mräkätre käkwe jondron juto yebiti ki sribebare kä nämäne ño Jerusalén ye bämikakäre. Ki sribebare 6 metro (20 pies) näre kwin aune tabla yebätä jondron juto mikani jä bä ye sribekäre. Kä ükaninte ye namani nuäre ngwankäre kwäräkwärä kä jene jene mada sribekäre aune ye köböire kä ükaninte kwin ye ñan ribe namani krubäte. Akwa yebiti ta kä ükaninte kwin ye sribekäre ngwian 100,000 näre kitaninkä. a

 Kukwe ne mikata gare nie ye tä ni töi mike gätä kri regional kä nete ye mike tuin bäri ütiäte jai. Ja di ngwanta sribi ne nuainkäre ye käkwe Jehová käi kitaikä kä jökräbiti tibien ye gare metre nunye. Munta ja töi jeñebiti ngwian bien donate.pr418.com aune jondron mada mada yebiti sribi Ngöbökwe kä jökräbiti tibien dimikakäre yebätä nunta debe bien krubäte munye.