Kukwe ütiäte krubäte o ñaka ütiäte krubäte ye nikwe diandre nuaindre jai känenkri, ¿Jehovakwe töbikadre ño kukwe yebätä ye nita ngwentari jai? Jehová töi ño ye ñaka raba nemen gare täte nie, akwa nita dre dre ribere jai “sribi kuinkuin bätäkä ngwarbe” nuainkäre ye tä mike gare nie Kukwe kwe yebiti (2Ti 3:16, 17; Ro 11:33, 34). Jehová tö dre ie ye nükani gare merebe Jesús ie aune mikani nuaindre käne kwe jai (Jn 4:34). Jesús ye erere, nikwe ja di ngwandre kukwe meden tuin kwin Jehovai ye erere den nuaindre jai (Jn 8:28, 29; Ef 5:15-17).

VIDEO JEHOVÁ TÖITA ÑO YE NIKWE MIKADRE GARE JANKUNU JAI (LE 19:18) YE MÄKWE TUA, BITI MÄKWE KUKWE NGWANTARITA NE MIKA GARE:

• ¿Ñobätä nikwe kukwe Bibliabätä ja jie ngwankäre ye mikadre täte?

• ¿Kukwe Bibliabätä ja jie ngwankäre ye meden raba ni dimike musika den kukwe nuadre jai?

• ¿Kukwe Bibliabätä ja jie ngwankäre ye meden raba ni dimike dän kwin den kitadre jabätä aune ja ükete kwin?

• ¿Kukwe medenbätä mada ni rabadre kukwe Bibliabätä ja jie ngwankäre ye mike täte?

• ¿Jehová töita ño ye ñokänti raba nüke gare bäri kwin nie?