¿Ñobätä nikwe kukwe kwin diandre jai ja näkwitakäre? Ñan ñobätä aune, nita película, kansion, Internet käi, tärä o videojuego meden den jai ye ngwane, nita ye erere mike nemen ja töite aune ye ererebätä nita ja ngwen. Kukwe ñäkäita Jehovakwe ye tä mikani kukwe ja näkwitakäre kä nengwane ye jökrä bäsi te (Sl 11:5; Gál 5:19-21). Ye medenbätä, kukwe medenbiti ni raba Jehová käikitekä yebätä nikwe töbikadre käre nieta Bibliabätä nie (Flp 4:8).

VIDEO ¿DREBÄTÄ TIKWE JA NÄKWITADRE? YE MÄKWE TUA, BITI MÄKWE KUKWE NGWANTARITA NE MIKA GARE:

• Nitre ja metaka kirabe nämäne rüre jabe Roma, ¿ye ñobätä ja erebe kukwe ruäre ja näkwitara kä nengwane yebe?

• ¿Ja mräkätre konkrekasionte ye raba monsotre dimike ño kukwe kwin den jai ja näkwitara?

• ¿Romanos 12:9 ye raba ni dimike ño kukwe kwin den jai ja näkwitara?

• Kukwe ja näkwitara tuin kwin Jehovai, ¿ye meden meden tärä ni käite?