KUKWE JA JIE NGWANKÄRE GÄTÄTE Marzo 2018
Kukwe nieta kukwe driekäre
Kukwe nieta nitre nübaikäre Jesús Ja Nire Biani Ngwainta Törö Jai yebätä aune kukwe ngwantarita nebätä: ¿Ñobätä Jesús murie ketani? ¿Ni kökanintari ye köböire dre kwin rabai bare?
KUKWE ÜTIÄTE BIBLIABÄTÄ
“Nire nire tö rabai bäri ütiäte kri mun ngätäite ye abko käkwe sribidre ni bobre kwrere ni mda mdakrä”
Sribi Ngöbökwe raba ni mike tuin bäri ütiäte ni mada okwäkänti, ¿ye aibebätä nita ja töi mike nuainne? Ni sribikä Ngöbö kräke töi bobre ye tä sribi nuainne abokän tuin Jehová aibe ie.
KUKWE ÜTIÄTE BIBLIABÄTÄ
Kukwe ketebu bäri ütiäte biani nuaindre ye nikwe mikadre täte
¿Kukwe ketebu meden bäri ütiäte biani nuaindre niebare Jesukwe? ¿Nita mike täte ye ni raba bämike ño?
NITA JA NGWEN ÑO
¿Ñokänti ni raba ja töi mike Ngöbö aune ni mada tarere?
Nikwe Ngöbö aune ni mada taredre. Ja töi mikadre ye nuainkäre nikwe ñäkädre mantre jetebe Bibliabätä.
KUKWE ÜTIÄTE BIBLIABÄTÄ
Kä kitera krüte yebätä ni tädre ngwäte kukwe ja üairebiti
Nitre kwati tä ja töi mike jondron kä nebätä ye aibebätä aune ñaka ja töi mike kukwe ja üaire yebätä. Nire nire tä ngwäte kukwe ja üairebiti, ¿abokän tä töbike ño kukwe nebätä?
NITA JA NGWEN ÑO
Kä nibira no nitre gobrainta Satanakwe gatekäre
¿Kukwe niebare Jesukwe ye tä mike gare ño nie nita nüne kä krüte te? Kukwe ngwantarita ne aune mada ye mikata gare video Kä nibira no nitre gobrainta Satanakwe gatekäre yete.
KUKWE ÜTIÄTE BIBLIABÄTÄ
“Munkwe mokre jabti”
Ni brare nämene ja mäkätekäre, meritre kaibe deme töbätä aune meritre ñaka töbätä, ¿bämikani ye dre gärätä? ¿Kukwe bämikani meritre ni jätä kaibe deme yebätä ye tä dre driere nie?
NITA JA NGWEN ÑO
Mäkwe diri bäri kwin: Mäkwe ni ja tötikaka dimika ja ükete ja tötika kräke
Nikwe ja tötika kömikadre kenanbe ye ngwane, nikwe nitre ja tötikaka ye dimikadre ja ükete kukwebätä nikwe tötikai yebätä. ¿Nuaindre ño?