NITA JA NGWEN ÑO
Mäkwe diri bäri kwin: Mäkwe ni ja tötikaka dimika ja ükete ja tötika kräke
ÑOBÄTÄ ÜTIÄTE: Ni ja tötikaka tä ja ükete ja tötika kräke ngwane, nita dre driere ie ye rükai gare ie aune rabai nuäre kräke ngwankäre törö jai. Ye köböire niara ririai jötrö kukwe ja üairebiti. Ja ngökadre ñöte kwe ye bitikäre, rabadre ja ükete gätä aune kukwe drie ye kräke ne kwe tädre mokre (Mt 25:13). Ye medenbätä, niara ja kitadre ja tötike aune kukwe ükadrete kwe jai ja tötikakäre ye köböire kukwe kwin rabai bare kräke käre. Nikwe ja tötika kömikadre kenanbe ye ngwane, nikwe nitre ja tötikaka ye dimikadre ja ükete kukwebätä nikwe tötikai yebätä.
NUAINDRE ÑO:
-
Mäkwe kukwe kwin bämika (Ro 2:21). Mäkwe ja ükate ni tötikakäre angwane mäkwe töbika ni yebätä (km 11/15 pág. 3). Mätä tärä o täräkwata täräi mikekä ño ye mäkwe mika tuare ie.
-
Niarakwe ja tötikadre akwle mäkwe nie ie. Mätä niara tötike käre ngwane, niara ja tötikadre akwle ye kwin krubäte aune ye köböire kukwe kwin rabai bare niara kräke ye mäkwe nie ie. Raba kä denkä ño jai ja tötikakäre ye mäkwe mika gare ie. Ja mräkätre aune ja ngwaitre ruäre tä tärä o täräkwata kwetre täräi mikekä ño ye bien ni ja tötikaka kwe ie tätre ja tötike ye ngwane, ne kwe ye erere nuaindre kwe. Ja tötikadre akwle kwe ngwane mäkwe kwin nie ie.
-
Ja tötikadre ño akwle kwe mäkwe drie ie. Nitre kukwe driekä ruäre tä ja tötika kömike kena ye ngwane tä kä denkä jai dirikäre ni ja tötikaka yei ne kwe ño ja tötikadre akwle kwe.