NITA JANGWEN ÑO

Nitre ñan kukwebätä ye mäkwe dimika Ngöbö ni dätekä ye mike gare jai

REPRODUCIR EN

¿Mä tärä kä mikekä ni iti käne ñaka kukwe driekäre ie, ñobätä ñan aune ñan mä kukwe nuai kwe tä nemen ruin mäi yebätä? Ye erere tärä nemen bare mäbätä ngwane, mekerabe nitre ñan nämäne kukwebätä nengwane niena testiko ye mäkwe ngwan törö jai. Nitre ruäre ye nämäne ja ngwen ateo. Ngöbö tärä mikadre gare nitre ye ie kukwe keteiti aibebiti ye aibe nämäne ribere jai (Ro 1:20; 10:14).

VIDEO NGWEN TÖRÖ JAI: NIRE NIRE ÑAN TÖDEKE YE RABA NEMEN TÖDEKE: NITRE ÑAKA KUKWEBÄTÄ YE MÄKWE TUA, BITI KUKWE NGWANTARITA NE MÄKWE MIKA GARE:

¿Kukwe namani bare Tommasobätä ye tä mä dimike ño kukwe driere nitre ñan kukwebätä ye ie?

Mike gare

Mä raba nuainne ño

Ni iti ñan Ngöbö mike era jai yebe mä gätä ngwane, mäkwe ja töi mika bätätre aune töbika kwin käne kukwe niekäre. Ne madakäre drebätä niaratre tö blitai yebätä mäkwe ja töi mika (2Ti 2:24). Kukwe keteiti käkwe nitre kwati dimikani ni iti käkwe jondron jökrä sribebare mike era jai, ¿yebätä tö blitai? Ye erere ngwane, täräkwata aune video sribebare kukwe driekäre yebiti mäkwe blita. Täräkwata ¿Es la vida obra de un Creador? Aune El origen de la vida. Cinco cuestiones dignas de análisis mikani kukwe driekäre yebiti kukwe driedre.

Nitre ñan Ngöbö mike era jai ye kenanbe jürä raba nemen mäbätä. Ye erere ngwane ja ngwai o ja eteba niena ünä kukwe ja üairebiti ie mäkwe ja di kärä. Ne madakäre nitre brukwä kwin tö kukwe mikabätä gare jai ye gare Jehovai ye mäkwe ngwan törö jai (Hch 13:48).

KUKWE JA JIE NGWANKÄRE GÄTÄTE