Diandrekä:

• Partitura

1. 1. Nukwä tä kantare dekä.

   Kä trä kitera mate.

   Köbö ne bä nuäre nikrä.

   Ja mräkätre jökrä tä ni ken.

   Ni aro, i nökani.

   Ngwä nibira ötadre.

   Kä bä nuäre krubäte

   ye jatanina nüke.

2. 2. Kukwe käme ñan nibira

   ye käi juto nibätä.

   Bren, gata, ja tare nika

   ye ñan ni mikaita ja muaire.

   Matare kä ye nüra.

   Ye tä ni töi mike niä.

   Kä mrä kä tibienbätä

   ye jatanina nüke.

   (PUENTE)

   Nire krütani nikän ye

   Ngöbökwe mirita nire.

   Ni okwä ñöi ye sökaite.

   Kä mrä ne täi kärekäre.

3. 3. Nita näin dikekä jabe.

   Nita kötö gwairebe.

   Kukwe ie ni nämä tö ngwen

   ye tä nemen bare jökrä nie.

   Nita debe bien Jehová ie

   kukwe ne jökräbätä.

   Kä mrä ñan krütadi ne

   ye jatanina nüke.

   (PUENTE)

   Kä kabre te ti mä muaiba.

   Bobukäre mä tä ti ken.

   Ye köböire ti töita niä.

   Käi juto ti brukwäbätä.

4. 4. Kä mrä ye nibira;

   tä ja ken ye gare tie.

   Jehová dre käbämikani

   nuaindi jökrä kwe ye gare tie.

   Tikwe ñan ja di ngwain nekä.

   Kukwe ye rabai bäre.

   Ti raba ngübare chi.

   Kukwe ye köböra nüke.