KANTIKO 22
¡Gobran Ngöbökwe jatadre!
(Revelación 11:15; 12:10)
-
1. Jehová mä aibe Gobran Kri.
Mä täi kärekäre.
Jehová mäkwe kürä jakwe
ye biani Kristo ie.
Jesús ye niena gobrane.
Kukwe ükaite metre kwe.
(BOBUKÄRE)
Jesús ni diaintari.
Ni jökrä mikai kwäre kwe.
Ni tädre Gobran ye
kärere kä tibienbätä.
-
2. Angeletre kä kwinbiti
ye töi niena jäme.
Jesús rübare Diablu ben,
kitani timo kwe.
Jesús ye niena gobrane.
Kukwe ükaite metre kwe.
(BOBUKÄRE)
Jesús ni diaintari.
Ni jökrä mikai kwäre kwe.
Ni tädre Gobran ye
kärere kä tibienbätä.
-
3. Ni rüe Satana ye gaite
aisete tä rubun.
Kukwe blo ye jökrä näin ta,
ni jökrä tädi kwin.
Jesús ye niena gobrane.
Kukwe ükaite metre kwe.
(BOBUKÄRE)
Jesús ni diaintari.
Ni jökrä mikai kwäre kwe.
Ni tädre Gobran ye
kärere kä tibienbätä.
(Dan. 2:34, 35; 2 Cor. 4:18; mika raba ñärärä).
