KANTIKO 73
Nun dimike ñan kä jürä ngwen jabätä
(Hechos 4:29)
-
1. Nunta kukwe driere ngwane,
nun mikata ngwarbe jai.
Ni kwati ye tä nun rüere
gare metre mäi Jehová.
Nunkwe kä ngwain nüke jai.
Nun mä kukwei metre ye driei.
Mäkwe ñan nun mikate jire,
ja di kri ye bien nuen Jehová.
(BOBUKÄRE)
Käre mäkwe nun dimika
ñan jürä ngwen jabätä.
Nunta sribi mäkwe nuainne,
nunta tö ngwen mäi Jehová.
Rü kri ye nibira ja ken
ye diridre ni jökrä ie.
Mäkwe nun mikadre dite
ye ie nun tö.
-
2. Nitre tä nun nuainne tare
akwa nun tuin bobre mäi.
Mä ñan nun mikate kaibe,
käre nunta tö ngwen mäi.
Mä ja di kri ye bian nuen
nunta ribere mäi Jehová.
Mä die kri ye aibe köböire
nunkwe kä ngwandi nüke jai.
(BOBUKÄRE)
Käre mäkwe nun dimika
ñan jürä ngwen jabätä.
Nunta sribi mäkwe nuainne,
nunta tö ngwen mäi Jehová.
Rü kri ye nibira ja ken
ye diridre ni jökrä ie.
Mäkwe nun mikadre dite
ye ie nun tö.
(1 Tes. 2:2; Heb. 10:35; mika raba ñärärä).
