KANTIKO 92
Ju nebätä mä kä tä mikani
(1 Crónicas 29:16)
-
1. Jehová, nunkwe ju ne sribeba;
mä kä tä mikanibätä.
Ju ne tä dianinkä mä kräke;
käi juto nun jökräbätä.
Mä diebiti nunkwe ye nuainba.
Jehová, mä ja di bianba nuen.
Ngöbö, mäkwe sribi jie ngwanba.
Jehová nun Rün kri, tä debe.
(BOBUKÄRE)
Ju ne mikata gare mäi.
Nekänti mä kä ye driei.
Jehová, ju ne kain ngäbiti.
Nunta ye ribere mäi.
-
2. Ju nekänti nunkwe kantadi
mä käikitakakrä, Jehová.
Kä nekänti nun täi gätäre.
Nun mä töi mikai gare jai.
Nun ju ne ngübadi mä kräke
ye nunta käbämike mäi.
Ju nebiti mä käikitaikä
mä dite krubätebätä.
(BOBUKÄRE)
Ju ne mikata gare mäi.
Nekänti mä kä ye driei.
Jehová, ju ne kain ngäbiti.
Nunta ye ribere mäi.
(1 Rey. 8:18, 27; 1 Crón. 29:11-14; Hech. 20:24; mika raba ñärärä).
