KANTIKO 95
Kä trä kite ngitiekä bäri
(Proverbios 4:18)
-
1. Mekerabe nitre tö ngwanka Jehovai
ye nämene Kristo jiebäre.
Mesías rükadre Jehová niebare
ni jökrä mikakäre kwäre.
Jesús niena reire ye gare kwin nie
jondron keta kabrebätä.
Rabai bare ño angeletre kwati
tö namani mikai gare jai.
(BOBUKÄRE)
Kä trä tä ngitiekä ni käne.
Kä trä ye jutuen mrebe nie.
Jehovata kä trä mike tuare.
Ji metre ye drieta kwe nie.
-
2. Jesús nitre ruäre dianinkä ne kwe
rabadre ni jökrä ngübare.
Niaratre ye tä kä debe näre te
mrö üaire bien nie ni bukara.
Kä trä kite ngwen ye jutuen mrebe nie,
ji metre ye gare kwin nie.
Jehová ye köböire kä trä kite ngwen;
nita käre debe bien niarai.
(BOBUKÄRE)
Kä trä tä ngitiekä ni käne.
Kä trä ye jutuen mrebe nie.
Jehovata kä trä mike tuare.
Ji metre ye drieta kwe nie.
(Rom. 8:22; 1 Cor. 2:10; 1 Ped. 1:12; mika raba ñärärä).
