“Ñaka ja mrite nitre kä nebätä ben”

Nitre kä nebätä brukwäta mun kräke, mun ñaka ja mrite ben yebätä (JUAN 17:14)

¿Dre gärä nämäne Jesukwe? Niara ñaka nämäne ni kä nebätä ngätäite ñobätä ñan aune niara ñaka nämäne ja mike kukwe nitrekwe o política yete. “Ti rabadre jreire niaratre kwrere, akräke rükä tädrera sribikä tikrä abko käkwe rüdre ti dokwäre amne ti ñan kadre ngite nitre israelitakwe. Ye mden kisete, ti abko ñakare jrei kä nebtä” (Juan 18:36.). Arato blitata ño aune ja ngwanta ño abokän ñäkäita Bibliakwe ye driebare kwe nitre ja tötikaka kwe ie (Mateo 20:25-27).

Nitre kristiano kena kukwe bämikani: Ni kukwe tikaka religionbätä Jonathan Dymond käkwe niebare, nitre kristiano kena “ñaka ja töi mikani niken [rübätä] ngwandi ja gaire, kitai ngite o krärä ketai ya yebiti ta kukwe ño ben ja tuadre kwetre yebiti ta”. Niaratre nämene juto ja tare nikakäre ja ngwankäre neutral. Niaratre jene nitre mada kräke ye raba tuin nämänentre ja ngwen ño yebiti. Ye medenbätä niebare ietre: ‘Nitre ñakare tödekaka Jesubti käta kukwe kämekäme nuene, ye ben munta dikekä ñakare gwaire mda, ye mdenbtä abko niaratre ñan töita nebe krütare munbtä, käta ñäke blo mun rüere mtare’ (1 Pedro 4:4). Ni kukwe kira täinkä Will Durant käkwe niebare erere, “nitre kristiano nämäne kukwe Ngöbökwe tarere aune ja ngwen kwin yebiti nämänentre bämike nitre kukwe ngwarbe mikaka täte ye nämäne ja ngwen käme rikabätä kukwe blo aibe jiebiti”.

¿Nitre meden tä ja ngwen niaratre ye erere? Ni kristiano ja ngwen neutral yebätä tärä New Catholic Encyclopedia tä niere: Kukwe ñaka jire keteiti nändre rubätä ye ñakäire ni kristiano ie. Kukwe keteiti mikani gare organización de derechos humanos African Rights yekwe yebätä, tärä keteiti kädekata Reformierte Presse tä niere: Iglesia jökrä, akwa “nitre testiko Jehovakwe aibe ñaka nikani siba” genocidio nuainbare Ruanda 1994 yebätä.

Ni dirikä iti colegiote töi ulirebiti niebare kwe Holocausto ye ngwane, “ni ruäre o organización keteiti ye ñaka käkwe, kukwe ngwarbe nie nämäne, ni nuain nämäne tare krubäte ye kitani ngise”. Kukwe mikani gare bäri kwe jai Museo ­Conmemorativo del Holocausto Estados Unidos yebe ye bitikäre tikani kwe: “Ñan ye erere ye namanina gare tie”. Nitre testiko Jehovakwe ye ngwani ja tare nike yebiti ta ñaka kukwe blo nuainbare jire kwetre ye gani kwe.

Ja ngwandre kwin yebätä, ¿nire tä ja ngwen nitre kristiano kena ye erere? “Nitre umbre bätä bati catolico ye bäsi jökrä kräke, kukwe nieta raba jabe ja mäkäte känenkri aune nünandre kwin jabe yebätä ye ñaka debe kräketre” nieta tärä U.S. Catholic yekwe. Biti kukwe ne nieta diácono itibätä. “Nitre kwati tötikata tikwe ye 50 porciento näre niena nüne mukobe tä kite ja mäkete ye ngwane”. Tärä The New Encyclopædia Britannica tä niere, nitre testiko Jehovakwe “tä ja di ngwen kwatibe ja ngwen kwin kukwe jökrä känti”.