“Ma mikanina gare”

“Nitre nünanka ma rüere, ngätäite makwe ni dianinkä ruäre abko makwe biani tie. Niaratre ye abko ie tikwe ma mikanina gare” (JUAN 17:6, 26)

¿Dre gärä nämäne Jesukwe? Niarakwe Ngöbö kä mikani gare kukwe driebare kwe ngwane. Niara nämäne käre ñäke Escrituras Hebreas yebätä aune yete käre nämäne Ngöbö kä kädekete raba ruin nie (Lucas 4:16-21). Arato nitre ja tötikaka kwe rabadre ne ribere driebare kwe ie: “Ti Rün kä käinbti, ma kä aibe raba mikani ütiäte ni jökräkwe” (Lucas 11:2).

Nitre kristiano kena kukwe bämikani: Apóstol Pedro nämäne blite nitre umbre ji ngwanka Jerusalén ben ngwane niebare kwe, Ngöbökwe “nitre juta madate ye diankakäre ja kä ngwankäre” (Hechos 15:14, TNM). Nitre apóstol aune nitre ja tötikaka Jesukwe ye nämäne kukwe driere: “Ñobätä ñan aune “ni jökrä käkwe Jehová kädekaite ja di käräkäre ie ye mikai kwäre” (Hechos 2:21; Romanos 10:13, TNM). Arato tärä tika nämäne kwetre yebätä nämäne Ngöbö kä tike. Tosefta ye tikani täte kä 300 ngrabare, tärä ye braibe ükaninkrö lei nitre judiokwe yebätä, yete blitata nitre kristiano nämäne tärä tike kukwa nämäne yebätä. Yete nieta: “Tärä Evangelio aune tärä mada sectario [ye nitre judeocristianos raba ruin nie] ye ñaka rabadre kwäräbere ñukwä yebätä, tuadremetre nukwe yete aune tärä jökräbätä Ngöbö kä tä tikani ye arato”.

¿Nire tä ye erere nuainne ne ngwane? Revised Standard Version edición autorizada por el Consejo Nacional de las Iglesias de Cristo Estados Unidos, tä niere: “Ngöbö kädekadre kä kratibe aune jeñe kwe yebiti, se akräke Ngöbö mada tärä abokänbätä kädekadre kä jeñe kwebiti, ñaka Ngöbö kädekani jankunu nitre judaísmo yekwe ni kristiano jämi nemen ye ngwane aune Ngöbö kä kädekadrete ye abokän ñaka kwin ni iglesia kä jökräbiti ye kräke”. Ye medenbätä tärä nebätä ñaka Ngöbö kädekani kä kwe yebiti ñakare aune ye täte Däkien niebare. Ne madakäre, bitinkä Vaticano käkwe kukwe ne ükaninte nitre obispos ye kräke: “Gätä nuainta yete ñodre, kansion, orasion, yete tärä okwä tetragrammaton YHWH a Ngöbö kä kädekakäre ye ñaka niedre jire”.

¿Nitre mada tärä abokän tä Ngöbö kä yebiti blite aune kä driere ni madai? Ni tärä Ngöbö ka ye driere namani gare monso bati kädekata Sergey ie. Nämäne monsore Kirguistán yete ngwane, pelikula keteiti tuani kwe känti Ngöbö ye kä Jehová namani gare ie. Kä nikani kä kwä jätä ta ngwane Ngöbö kä ño ye kukwe nuaninta kwe bobukäre. Niarakwe ja kwitani Estados Unidos, yete nitre testiko nibu käkwe jukwe metani ie, aune nitre yekwe Ngöbö kä ño driebare Bibliabiti ie. Religión tärä keteiti abokän tä Ngöbö kä ye driere namani gare Sergey ie ye käkwe kä mikani jutobätä. Diccionario keteiti känti kukwe “Ngöbö Jehová” nieta yekänti diccionario ye tä ne niere kukwe yebätä: “Ngöbö bäri ütiäte kri aune Ngöbö ye aibe nitre testiko Jehovakwe tä mike täte” (Webster’s Third New International Dictionary).

[Nota]