Kä 4026 K.k. ye bitikäre

Jehová aibe käkwe gobrandre o ñakare, aune tä nuainne ño ye abokän rüere ‘kulebra’ käkwe ñäkäbare. “Monso” iti, käkwe kulebra Satana ye trekaite, Jehová tä käbämike (Génesis 3:1-5, 15; nota). Akwa tä nitre kä tibienbätä ye tuenmetre ja gobraine ken Satana ye diebiti.

Kä 1943 K.k.

“Monso” käbämikani ye jatai Abrahán mräkätre iti yekri Jehovakwe mikani gare metre ie (Génesis 22:18).

Kä 1070 K.k. ye bitikäre

“Monso” käbämikani ye jatai rei David mräkätre yekri mikani gare metre kwe ie biti mikani gare kwe arato ngobo Salomón yei (2 Samuel 7:12, 16; 1 Reyes 9:3-5; Isaías 9:6, 7).

Kä 29

“Monso” käbämikani ye abokän Jesús ara aune rabai gobrane David ye täte Jehovakwe mikani gare (Gálatas 3:16; Lucas 1:31-33; 3:21, 22).

 Kä 33

Satana, “kulebra”, ye käkwe nitre töi mikani Jesús murie kete, aune “monso” käbämikani ye nuainbare tare kwe akwa jötrö ngwarbe. Jehovakwe Jesús ganinkröta, jänikaninta kä kwinbätä kwe aune ja nire metre biani kwe ye ütiä kani ngäbiti kwe. Kukwe mrä nebiti kukwe ükaninte kwe ngite juankäre ta nibiti aune ne kwe Adán mräkätre ye rabadre nüne kärekäre (Génesis 3:15; Hechos 2:32-36; 1 Corintios 15:21, 22).

Kä 1914 ye ngwane bäsi

Jesukwe “kulebra” ye kitani Kä tibienbätä aune ketaninbätä kwe yete akwa kä braibe te (Revelación 12:7-9, 12).

Kä ja känenkäre

Jesukwe Satana kitai ngite kä mil krati te aune mrä gaite kwe. Aune dokwä trekaite kwe ye kwrere bämikata. Angwane Jehová töi namani ño kena Kä tibien aune nitre kä tibienbätä kräke ye rabai bare. Mrä mada Ngöbö kä ye rabai kwin mrebe aune kukwe jökrä ngwarbe nietabätä ye ñaka rabaira, aune niara tä gobrane ño ye abokän bäri kwin rabai gare metre (Revelación 20:1-3, 10; 21:3, 4).