Nitre Israel nikanintre mar Rojo yete ta ye käi nikani sö krobu ta angwane namanintre ngutuä Sinaí yekänti. Yete Jehová kukwe ükaninte nitre Israel ben ne kwe rabadre juta jeñe kwe. Niarakwe kriemikani aune dre dre ribere nämene kwetre jai ye jökrä biani kwe ietre. Ñodre, maná biani kwe kwetadre ietre, dän ñaka niken ngwarbe biani kwe ietre aune kä kwin nünankäre biani kwe ietre. Monsotre tärä mäkwe angwane, ñobätä Jehovakwe Kukwe Biani Nuaindre nitre Israel ie, tabernáculo aune sacerdote yebätä, ye mäkwe niaratre dimika kukwe ye mike nüke gare jai. Nita kukwe käbämike ye nikwe mikadre  nemen bare ye ütiäte krubäte aune käre ja töi mikadre bobre bätä ja ngwandre metre Jehovai ye mäkwe mika gare ietre.