Kukwe kena sección 7
Rei Saúl aune rei David yebätä kukwe namani bare ye kädrieta sección nekänti, niaratre gobranbare bäsi kä 80 te. Kenanbe, Saúl töi nämene bobre aune nämene Ngöbö mike täte. Akwa, kä nikani braibe ta angwane ja töi kwitani kwe aune Jehová nämene jie ngwen ye ñaka kani ngäbiti kwe. Mrä mada, Jehovakwe niara tuanimetre arato aune Samuel käkwe David diandrekä ne kwe rabadre reire nitre Israel kräke niebare kwe ie. Saúl nämene bätä ngwen David yebätä aune bä kabre ja töi mikani kwe murie kete. Akwa yebiti ta, David ñaka ja ngie mikani jire. Jonatán, Saúl ngobo, yei nämene gare kwin Jehovakwe David dianinkä, aisete ja ngwani metre kwe ie. David ja mikani ngite krubäte arato, akwa Jehová nämene mäträrebätä ye käre
nämene kain ngäbiti. Monsotre tärä mäkwe angwane, Ngöböta kukwe ükete ye mikadre täte ye ütiäte krubäte ye mäkwe niaratre dimika mike nüke gare jai.SECCIÓN NEBÄTÄ
KUKWE JA TÖTIKARA 39
Rei kena Israel
Ngöbökwe nitre kukwe ükatekä mikani nitre Israel jie ngwanka, akwa niaratre tö namani rei tuai jakwe. Samuel käkwe aceite kekani Saúl dokwäbiti ne kwe rabadre reire kena; akwa ye bitikäre Jehovakwe ñaka Saúl kani ngäbiti jankunu, ¿ñobätä?
KUKWE JA TÖTIKARA 40
David aune Goliat
Jehovakwe David dianinkä ne kwe rabadre reire ja känenkäre Israel aune David rabai gobrane kwin krubäte ye bämikani kwe.
KUKWE JA TÖTIKARA 41
David aune Saúl
Ni iti töi blo brukwä nämene ni iti töi kwin kräke. ¿Ni iti töi kwin yekwe dre nuainbare?
KUKWE JA TÖTIKARA 42
Jonatán ja ngwani metre aune kä jürä ñaka nämenebätä
Rei ngobo ye ja ketabare kwin David ben.
KUKWE JA TÖTIKARA 43
Rei David ja mikani ngite
Kukwe ñaka kwin dianta nuaindre jai ye ngwane kukwe kri krubäte tä nemen ni kisete.