Kukwe kena sección 8
Jehovakwe kukwe kwin mikani nemen bare Salomón kräke, mikani töbätä kwe aune rabadre templo sribere ye sribi ütiäte biani kwe ie. Akwa bätärekä bätärekä Ngöbö tuanimetre kwe. Monsotre tärä mäkwe angwane, mäkwe mika gare ietre nitre nämene ngöbö ngwarbe mike täte ye käkwe Salomón töi mikani Jehová tuenmetre. Gobran ñäkäninbiti aune nitre reire töi blo namani ye käkwe nitre töi mikani kukwe metre ye tuenmetre bätä jondron ngwarbe üai sribebare ye mike ngöböre jai. Kä ye näire, nitre Ngöbö kukwei niekä nämene ja ngwen metre ye rüere ja mikani aune niaratre murie ketani. Reina Jezabel käkwe gobran ngwitärikri ye töi mikani kukwe metre ye tuenmetre. Kä ye ngwane nitre Israel namani ja ngwen blo krubäte. Akwa yebiti ta, nitre Israel kwati krubäte nämene Jehová mike täte metre, ñodre rei Jehosafat aune Elías ni Ngöbö kukwei niekä.
SECCIÓN NEBÄTÄ
KUKWE JA TÖTIKARA 44
Templo sribebare Jehová kräke
Rei Salomón dre ribebare Ngöböi ye namani tuin kwin krubäte ie aune sribi ütiäte krubäte mikani kwe nuaindre ie.
KUKWE JA TÖTIKARA 46
Niaratre töi gani ngutuä Carmelo yekänti
¿Nire abokän Ngöbö metre? ¿Jehová o Baal?
KUKWE JA TÖTIKARA 48
Meri kän muko krütani ye monsoi mikaninta nire
Jondron ñan tuabare namani bare bobu ju kwatibe te.
KUKWE JA TÖTIKARA 49
Reina töi blo krubäte mikani ja ngie nuin
Ni israelita kädeka nämene Nabot yekwe kä nämene uva nökara ye Jezabel tö namani diain jai, yebätä niara murie keta manabare kwe. Akwa kukwe blo krubäte nuainbare kwe ye jutuabare Jehová ie.
KUKWE JA TÖTIKARA 50
Jehovakwe Jehosafat kriemikani rüe yebätä
Nitre juta mada mada te rü ganinkä Judá rüere ye ngwane rei kwin Jehosafat orabare Ngöböi ja di käräkäre ie.