Dre raba mä dimike ja tötike bäri kwin Bibliabätä
Mä jämi ja tötika kömike känenkri mäkwe ñäkä página nebätä. Biti mäkwe VIDEO mika ñärärä.
KENA
Mä tötikadre ye känenkri, mäkwe ñäkä kaibe párrafo kenakena kukwe ja tötikara yebätä. Kukwe ngwantarita jatäri (A) aune texto jükani drüne (B) tä kukwe ütiäte mike gare. Texto ruäre känti mäkwe ñäkädre nieta ye ngwen törö jai.
KETEBU
Drebätä ja tötikai ye mikata gare párrafo kena (C) sección “Ja tötike bäri nguseta” yete. Kukwe meden mika tö gare ye subtítulo (D) tä mike gare. Ni mä tötikaka yebe mäkwe ñäkä textobätä, kukwe ngwantarita ye mäkwe mika gare aune video tua.
VIDEO nieta yekänti kukwe grababare raba kwen mäi mä dimikakäre ja tötike bäri kwin. Kukwe namani bare metre bämikata video ruäre yete. Mada abokän känti kukwe meden raba nemen bare bämikata jerekäbe.
Mäkwe jondron üai mika ñärärä aune kukwe mikata garebätä ye mäkwe mika gare jai (E). Nitre ruäre tä kukwe niere yebätä mä raba dre niere yebätä mäkwe töbika (F).
KETAMÄ
“¿Dre nibi gare mäi?” aune “Ngwankäreta törö” (G) nieta yekänti kukwe ja tötikara mikata krüte. Kukwe ja tötikara krüta ngwane, mäkwe fecha tika. Recuadro “Mäkwe kukwe ne nuain” (H) yekänti kukwe niedi mäi nuainkäre o mä dimikakäre ja tötike bäri. Sección “Kukwe mike gare bäri jai” (I) yekänti video o kukwe mada kwain mäi ñäkäkärebätä o tuakäre.
Texto Bibliabätä känändre ño
Tärä 66 tä Bibliabätä. Tä ñäkäninbiti ketebu: Escrituras Hebreoarameas (Antiguo Testamento) aune Escrituras Griegas Cristianas (Nuevo Testamento).
Texto tä mikani ye känänkäre, tärä Bibliabätä (A) mikata gare käne, biti número tä tikani kena ye kapitulo (B) aune número mada ye bersikulo (C).
Ñodre, Juan 17:3 ye abokän Juan, kapitulo 17, bersikulo 3.
Ne rabai tuen kwin mäi arato
KUKWE NGWANTARITA BÄRI
¿Ja tötika Bibliabätä drieta ni testiko Jehovakwe ye abokän ño?
Ni testiko Jehovakwe tä ni tötike ye ütiä kärä ñaka aune mä raba ja tötike Biblia jeñe mäkwe yebiti. Ne madakäre mä raba mä mräkä jökrä o ja ketamuko ye nübaire jabe ja tötike.
