KUKWE JA TÖTIKARA 04
¿Nire abokän Ngöbö metre?
Kirabe nükebe kä nengwane nitre tä ngöbö keta kabre mike täte. Akwa Bibliabätä mikata gare Ngöbö bäri kri tärä ngöbö mada mada yebiti ta (2 Crónicas 2:5). ¿Ye Ngöbö meden? ¿Ñobätä niara bäri kri ngöbö mada mikata täte nitrekwe yebiti ta? Dre rabadre gare mäi niarabätä ie tö ye mike gare jai kukwe ja tötikara nekänti.
1. ¿Ngöbö metre kä ño? Niara kä rabadre gare nie ie tö, ¿ye ñokänti gare nie?
Bibliabiti Ngöböta ja kä mike gare. “Ti abokän Jehová. Ye ti kä” nieta kwe (mäkwe ñäkä Isaías 42:5, 8 yebätä). Ngöbö kä kukwe hebreorebiti ye ara kwitata Jehová aune dre gärätä ye nüke gare krörö: “Niara töita ño ye tä mike nemen bare”. Ngöbö kä rabadre gare nie ie tö (Éxodo 3:15). ¿Ye ñokänti gare nie? Ja kä tika mananbare kwe 7,000 biti bäri Bibliabätä. a Jän, Ngöbö metre kä kwinbätä bätä kä tibienbätä ye kä Jehová (Deuteronomio 4:39).
2. ¿Biblia tä dre mike gare Jehovabätä nie?
Ngöbö keta kabre mikata täte nitrekwe, ¿akwa ñobätä Jehová aibe Ngöbö metre drieta Bibliakwe? Kukwe keta kabrebätä Biblia tä mike gare. Jehová ye aibe gobranka bäri kri, niara aibe “Kri kä tibien ye jökräbiti ta” (mäkwe ñäkä Salmo 83:18 yebätä). Niara dite krubäte, aisete tö rabadre dre nuaindi ye erere raba nuainne. Niara jondron jökrä sribekä arato, ñobätä ñan aune jondron kä kwinta, jondron nire aune ni kä tibienbätä sribebare kwe (Apocalipsis 4:8, 11). Jehová aibe tä käre aune rabai kärekäre (Salmo 90:2).
JA TÖTIKE BÄRI NGUSETA
Ngöbö kädekata keta kabre, akwa ñobätä ye ñan ja erebe kä jeñe kwe yebe ye ani mike gare jai. Arato, niarata ja kä jeñe mike gare nie aune ñobätä nuainta kwe ye rabai gare nie.
3. Ngöbö kädekata keta kabre, akwa kä tärä jeñe
Ni iti tä dre nuainne ye ererebätä kädekata, ¿akwa ye ja erebe kä jeñe kwe yebe? Mikakäre gare jai VIDEO mikadre ñärärä, biti kukwe ne kädriedre jabe:
-
Ngöbö kädekata keta kabre, ¿akwa ñobätä ye ñaka ja erebe kä jeñe kwe yebe?
Nitre tä ngöbö aune dänkien keta kabre mike täte nieta Bibliakwe. Ñäkädre Salmo 136:1-3 yebätä aune kukwe ne kädriedre jabe:
-
¿Nire abokän “Ngöbö bäri kri” aune “Dänkien bäri kri”?
4. Jehová rabadre gare mäi aune mäkwe kädekadre kä kwe yebiti ie tö
Ngöbö kä Jehová rabadre gare nie ie tö, ¿ye ñokänti raba nemen gare nie? VIDEO mikadre ñärärä, biti kukwe ne kädriedre jabe:
-
¿Ñobätä Ngöbö kä Jehová rabadre gare nie ie niara tö raba ruin mäi?
Nitre käkwe Jehová kädekadre kä kwe yebiti ie niara tö. Biblia tä niere: “Ni jökrä käkwe Jehová kädekaite ja di käräkäre ie ye rabai kwäre” (Romanos 10:13, TNM). Kukwe ne kädriedre jabe:
-
¿Nikwe Ngöbö kädekadre kä jeñe kwe yebiti ye ñobätä ütiäte?
-
Mä kä jeñe yebiti mä kädekata ngwane, ¿jata nemen ruin ño mäi?
-
Mätä Ngöbö kädeke kä kwe yebiti ngwane, ¿jata nemen ruin ño ie raba ruin mäi?
5. Mä rabadre ja kete Jehovabe ie niara tö
Meri kädekata Soten, nünanka Camboya, ie Ngöbö kä namani gare ye käkwe kä mikani jutobätä. VIDEO mikadre ñärärä, biti kukwe ne kädriedre jabe:
-
¿Ngöbö kä namani gare Soten ie ye matani ñobätä?
Ja ketata ni iti ben ngwane, ni ye kädekata ño ye mikata gare käne jai. Ñäkädre Santiago 4:8a yebätä aune kukwe ne kädriedre jabe:
-
¿Mäkwe dre nuaindre ie Jehová tö?
-
Ngöbö kä rabadre gare mäi aune mäkwe kädekadre kä kwe yebiti, ¿ye raba mä dimike nökrö bäri niara ken ruin mäi? ¿Aune ñobätä?
NITRE RUÄRE TÄ KUKWE NE NIERE: “Ni Rün kä kwinbiti ye itibe se. Yebätä kädekadre ño ye ja erebe”.
-
¿Ngöbö kä Jehová ye metre ruin mäi?
-
Nikwe Ngöbö kädekadre kä kwe yebiti ie niara tö, ¿ye mä raba mike gare ño ni madai?
¿DRE NIBI GARE MÄI?
Ngöbö metre kä Jehová. Niara kä rabadre gare nie aune nikwe kädekadre kä kwe yebiti ie niara tö ne kwe nikwe ja ketadre ben.
Ngwankäreta törö
-
¿Ñobätä Jehová ñan ja erebe ngöbö mada mikata täte nitrekwe yebe?
-
¿Ñobätä nikwe Ngöbö kädekadre kä kwe yebiti?
-
¿Mä rabadre ja kete Jehovabe ie niara tö? ¿Ñokänti gare mäi?
KUKWE MIKE GARE BÄRI JAI
Kukwe ketarike tä mike gare Ngöbö tärä ye mike gare jai.
Ngöbö tä kärekäre ye ñobätä ni raba mike era jai ye mike gare jai.
“¿Nirekwe Ngöbö sribebare?” (Ni Mikaka Mokre, 1 agosto 2014)
Ngöbö kädekate nämäne ño kena ye ñaka gare nie. Akwa yebiti ta, ñobätä nikwe kädekadre kä kwe yebiti ye mike gare jai.
¿Nita Ngöbö kädeke ño ye ütiäte ya? Ñobätä Ngöbö kä tärä jeñe nieta ye mike gare jai.
a Ngöbö kä ye dre gärätä aune ñobätä niara kä dianinkä Biblia ruärebätä, ye mikakäre gare jai Tärä ni jie ngwankäre ja tötike Kukwe Ngöbökwe yebätä sección 1 ye mäkwe mika ñärärä.
Ne rabai tuen kwin mäi arato
KUKWE NGWANTARITA BÄRI
¿Ja tötika Bibliabätä drieta ni testiko Jehovakwe ye abokän ño?
Ni testiko Jehovakwe tä ni tötike ye ütiä kärä ñaka aune mä raba ja tötike Biblia jeñe mäkwe yebiti. Ne madakäre mä raba mä mräkä jökrä o ja ketamuko ye nübaire jabe ja tötike.
