KUKWE JA TÖTIKARA 20
Konkrekasion tä ükaninte
Kukwe jökrä tädre ükaninte ye tuin kwin Jehovai (1 Corintios 14:33). Ye medenbätä, juta kwe ye tädre ükaninte kwin. ¿Konkrekasion kristiana tä ükaninte ño? ¿Dre nuain raba ne kwe tädre kwin?
1. ¿Nireta konkrekasion kristiana jie ngwen?
“Kristo abko ji dokwäte” konkrekasionkwe (Efesios 5:23). Jesuta kä kwinbiti, akwa juta Jehovakwe tä sribi nuainne kä jökräbiti tibien ye niarata tuinbiti. “Ni klabore töbätä aune tö ngwan raba ie” ye kädekani kwe. Nitre ye umbre ji ngwanka aune kukwe gare ietre aune kädekata Cuerpo Gobernante (mäkwe ñäkä Mateo 24:45-47 yebätä). Nitre apóstol aune nitre umbre ji ngwanka Jerusalén siklo kena nämäne nuainne erere, Cuerpo Gobernante tä konkrekasion kä jökräbiti ye jie ngwen (Hechos 15:2). Akwa nitre ne ñan tä juta ne jie ngwen ja töbiti, ñakare aune Jehová tö dre ie ye tätre känene Bibliabätä aune Jesús ji ngwanka ye tätre mike täte.
2. ¿Sribi meden tä nitre umbre ji ngwanka kisete?
Nitre umbre ji ngwanka ye tän kukwe ja üairebiti, niaratre tä dirire Bibliabiti aune tä konkrekasion dimike. Niaratre ñan sribi ne ütiäre kärere ñakare aune “Ngöbö tö ie ye” erere tätre nuainne kä jutobiti (1 Pedro 5:1, 2). Nitre umbre ji ngwanka ne dimikakäre siervo ministerial kädekata. Siervo ministerial ye tärä nemen kädekadre ngwane, kädeka raba ni umbrere.
Cuerpo Gobernante ne tä nitre umbre ji ngwanka konkrekasionte ruäre kädeke circuito tuabitikä. Ja mräkätre ne tä konkrekasion keta kabre tuinbiti, jie ngwen aune dimike. Ne madakäre, kukwe ribeta Bibliabätä ni umbre aune siervo ministerial kädekakäre, ye ererebätä ni circuito tuabitikä tä kädeke (1 Timoteo 3:1-10, 12; Tito 1:5-9).
3. ¿Dreta nuaindre ni testiko itire itire ie?
Ni jökrä konkrekasionte tä nemen gätäbätä, tä comentare, kukwe kädriere aune bämike. Arato raba kukwe driere nuäi ye erere tä ja di ngwen nuainne, yebiti tä Jehová käikitekä (mäkwe ñäkä Salmo 148:12, 13 yebätä).
JA TÖTIKE BÄRI NGUSETA
Jesús ye ji ngwanka ño, nitre umbre ji ngwanka tä ja di ngwen ño ja ngwankäre Jesús erere, ño ni raba sribire gwairebe Jesús aune nitre umbre ji ngwanka yebe ye ani mike gare jai.
4. Jesús ni tarekä tä ji ngwen
Kukwe kwinbätä Jesuta ni nübaire. Ñäkädre Mateo 11:28-30 yebätä aune kukwe ne kädriedre jabe:
-
¿Jesús ye abokän ji ngwanka ño? ¿Ja rabadre ruin ño nie ie niara tö?
¿Nitre umbre ji ngwanka tä ja ngwen ño Jesús erere? VIDEO mikadre ñärärä.
Nitre umbre ji ngwanka rabadre sribire ño ye Biblia tä mike gare metre.
Ñäkädre Isaías 32:2 aune 1 Pedro 5:1-3 yebätä aune kukwe ne kädriedre jabe:
-
Jesús nämäne nitre mada dimike, ye kwrere nitre umbre ji ngwanka tä ja di ngwen nuainne, ¿ye mate ño mäbätä?
-
¿Kukwe medenbiti mada nitre umbre tä ja ngwen Jesús erere?
5. Nitre umbre ji ngwanka tä kukwe driere ererebätä tätre nüne
¿Sribita nitre umbre kisete ye mikadre tuin ño kwetre jai ie Jesús tö? VIDEO mikadre ñärärä.
Ja mräkätre tä ji ngwen konkrekasionte rabadre dre nuainne ye Jesukwe mikani gare metre. Ñäkädre Mateo 23:8-12 yebätä aune kukwe ne kädriedre jabe:
-
¿Nitre ji ngwanka rabadre ja ngwen ño nieta Bibliakwe? ¿Sacerdote aune nitre ji ngwanka iglesia madate tätre kukwe ye erere nuainne raba ruin mäi?
-
Nitre umbre ji ngwanka tä ja keta kwe Jehovabe ye mike dite aune tä mräkätre kwe dimike erere nuainne arato.
-
Nitre umbre ji ngwanka töita ni jökrä konkrekasionte yebätä.
-
Nitre umbre ji ngwanka tä kukwe driere käre.
-
Nitre umbre ji ngwanka ye dirikä, tä kä bätete siba aune sribi mada nuainne.
6. Nita nitre umbre ji ngwanka dimike
Ñobätä ni rabadre nitre umbre ji ngwanka dimike ye Biblia tä mike gare metre. Ñäkädre Hebreos 13:17 yebätä aune kukwe ne kädriedre jabe:
-
¿Ñobätä Bibliata ribere nie ni rabadre nitre ni ji ngwanka mike täte töi bökänbiti? ¿Kukwe nebätä ja ruin ño mäi? ¿Ñobätä?
Ñäkädre Lucas 16:10 yebätä aune kukwe ne kädriedre jabe:
-
¿Kukwe ñan ütiäte rabadre tuin nie, akwa ñobätä ni rabadre nitre umbre ji ngwanka dimike kukwe yebätä?
NITRE RUÄRE TÄ KUKWE NE NIERE: “Ni tädre kukwebätä ye ribe ñan”.
-
¿Ngöbö mikadre täte konkrekasionte ye köböire dre kwin raba nemen nikwe?
¿DRE NIBI GARE MÄI?
Jesuta konkrekasion kristiana jie ngwen aune nitre umbre ji ngwanka tä niara mike täte. Nitre umbre ji ngwanka tä ni kriemike aune kukwe drieta kwetre ye erere tä ja ngwen aisete nita niaratre dimike töi bökänbiti.
Ngwankäreta törö
-
¿Nireta konkrekasion kristiana jie ngwen?
-
¿Nitre umbre ji ngwanka tä konkrekasion dimike ño?
-
¿Ni Jehová mikaka täte itire itire ie dreta nuainne?
KUKWE MIKE GARE BÄRI JAI
Nitre Braibe Konkrekasion Jökrä Ngübabitikä aune nitre umbre ji ngwanka töita krubäte ni konkrekasiontebätä ye mike ñärärä.
Sribi meden tä ni circuito tuabitikä kötärä ye mike gare jai.
Sribi meden tä meritre konkrekasionte kisete ye mike gare jai.
“¿Nitre testiko Jehovakwe tä meritre kädeke ji ngwanka?” (Ni Mikaka Mokre, 1 septiembre 2012)
Nitre umbre ji ngwanka tä ja di ngwen ja mräkätre mada dimikakäre ye mike gare jai.
“Nitre umbre tä sribire kä mikakäre nuäre nibätä” (Ni Mikaka Mokre, 15 enero 2013)
Ne rabai tuen kwin mäi arato
KUKWE NGWANTARITA BÄRI
¿Ja tötika Bibliabätä drieta ni testiko Jehovakwe ye abokän ño?
Ni testiko Jehovakwe tä ni tötike ye ütiä kärä ñaka aune mä raba ja tötike Biblia jeñe mäkwe yebiti. Ne madakäre mä raba mä mräkä jökrä o ja ketamuko ye nübaire jabe ja tötike.
