KUKWE JA TÖTIKARA 16
Blitadre kukwe kwin yebätä
Job 16:5
KUKWE MIKATA GARE: Mäkwe ñaka ja töi mika kukwe kri yebätä, ñakare aune kukwe ükadrete ño bätä kukwe meden raba nitre dimike yebätä mäkwe töbika.
NUAINDRE ÑO:
-
Mäkwe töbika kwin nitre mä kukwe nuaka yebätä. Ja mräkätre aune ja ngwaitre ye tö Jehová mikai täte yei mäkwe tö ngwan. Mäkwe kukwe nie mäträkäre niaratrebätä ngwane, käne mäkwe kukwe kwin nie ietre.
-
Kukwe blo tä nemen bare ye mäkwe ñaka kädekate krubäte. Mä törba blitai kukwe blo tä nemen bare yebätä ngwane mäkwe kädekate ruäre. Mätä kukwe kädriere ye ngwane, metrere mäkwe blita kukwe kwin yebätä.
-
Mäkwe diri kwin Kukwe Ngöbökwe yebiti. Jehová dre nuainbarera, tä dre nuainne aune dre nuaindi kwe ni kräke yebätä mäkwe blita. Mäkwe nitre mä kukwe nuaka ye dimika tö ngwen aune ñaka kä jürä ngwen jabätä.
