KUKWE JA TÖTIKARA 14
¿Ño mä raba ja ngwen metre Jehovai?
Mäkwe ja mika käre Ngöbö yekri (1 Pedro 5:6-9)
Kukwe meden nuainta abokän Biblia tä ñäkäire ye mäkwe ñaka nuain. Mäkwe ñaka kä jürä ngwan jabätä nuainkäre.
Mäkwe ñaka ja mika kukwe gobrankwe yete; ñobätä ñan aune gobrandre ye ñaka ja mike Jehová aune Gobran kwe yekri.
Mäkwe töbika kwin metre, Ngöbö mikakäre täte (Mateo 7:24, 25)
Mäkwe ja keta nitre testiko Jehovakwe yebe; niaratre mä dimikai nökrö Ngöbö kökwäre.
Mäkwe kukwe mika gare jankunu Ngöböbätä jai aune mäkwe ja di ngwan kukwei mike täte.
Tödeka mäkwe raba dite angwane, mäkwe ja dianka Jehová mikakäre täte aune mäkwe ja ngöka ñöte (Mateo 28:19).
Mäkwe Ngöbö mika täte. Mäkwe ñäkä Bibliabätä, aune mäkwe ja di kärä nitre testiko Jehovakwe ie ne kwe kukwe ye rükadre gare mäi. Ne madakäre, kukwe nemen gare mäi ye mäkwe nuain arato, mäkwe ye erere nuaindi angwane mä nünain kärekäre (Salmo 37:29).
Ne rabai tuen kwin mäi arato
GÄTÄ
¿Gätä nuainta ño nunkwe?
Nunta gätä nuainne yekänti mä raba niken aune nunta dre nuainne yete ye mä raba mike ñärärä.
NUNBÄTÄ
Ni kärä ja tuinbiti
Kukwe keteiti mikata gare Bibliabätä ye mike gare jai o nitre testiko Jehovakwe mike gare bäri kwin jai.
NUNBÄTÄ
Gätä nuainta yebätä mä raba niken
Gätä nuainta ño nunkwe ye mike gare bäri jai. Gätä nuainta medente mä ken ye mäkwe känä.
