KUKWE JA TÖTIKARA 9
¿Kä Bä Nuäre ye sribei ñongwane?
Kukwe tare tä nemen bare kä tibienbätä ye kätä mike gare Gobran Ngöbökwe köböra kukwe ye ükete (Lucas 21:10, 11; 2 Timoteo 3:1-5)
Kukwe keta kabre tä nemen bare kä nengwane ye Biblia käkwe mikani gare. Nitre rabai ngwian tarere, ñaka rabai rün bätä meye kukwei mike täte, rabai rubun krubäte, aune rabai kä ngwan juto jabätä ye tarere niebare kwe.
Dobo krikri, rü, mrönika, aune bren rabai krubäte kä jökräbiti tibien. Kukwe ne tä nemen bare kä nengwane.
Ne madakäre, kukwe kwin Gobran Ngöbökwe yebätä driedi kä jökräbiti tibien niebare Jesukwe (Mateo 24:14).
Gobran Ngöbökwe käkwe kukwe käme ye jökrä mikai krüte (2 Pedro 3:13)
Jehová köböra nitre jökrä kukwe käme nuainkä ye mike krüte.
Satana bätä chokalitre mikai ja ngie nuin.
Nitre Ngöbö mikaka täte ñaka gaite ye käkwe nünain kä mrä kwin yete, kä yekänti kä jürä ñaka rabaira jire, ye ngwane nitre rabai tö ngwen jai aune ja tarere kwärikwäri.
Ne rabai tuen kwin mäi arato
TÄRÄ MADA
¿Dre abokän Gobran Ngöbökwe?
Jesús nükani Kä tibienbätä ye ngwane, Gobran Ngöbökwe käkwe dre dre nuaindi ye bämikani kwe.
TÄRÄ MADA
¿Kukwe tare ye diainkä aune ni ñaka rabaira ja tare nike?
Ni ngwanta ja tare nike ye ñaka nemen kwin Ngöbö kräke aune erametre niara töita ni jökräbätä nieta Bibliakwe. ¿Ye dre gärätä mä kräke?
