KUKWE JA TÖTIKARA 12
¿Ño mä raba nüne kä jutobiti ni ja mräkäre ben?
Ja tare ye ütiäte ni ja mräkäre mikakäre nüne kä jutobiti (Efesios 5:33)
Ngöbö kukwei tä niere ni brare iti aune meri iti rabadre nemen gure metre jabe.
Ni brare kätä muko tarere ye tä muko kwe töita ño ye mike nüke gare jai.
Meri gure rabadre brare kwe dimike.
Monsotre rabadre rün bätä meye kukwei mike täte.
Mäkwe mä mräkä tare. Ja ngwen metre ben. Ñan ja töi mika käme. Ñan ja mika gure ni madabe (Colosenses 3:5, 8-10)
Ngöbö Kukwei tä niere ni brare gure rabadre muko kwe tarere tä ja ngrabare tarere akwle ye kwrere aune meri gure rabadre muko kwe mike ütiäte krubäte jai.
Ni gure metre tä ja mike gure gore meri madabe ye abokän käme. Ni brare ja mike gure gore meri kwati ben ye käme arato.
Ño ni ja mräkäre raba nüne kä jutobiti jabe ye abokän Kukwe Jehovakwe tä driere.
Ne rabai tuen kwin mäi arato
TÄRÄ MADA
¿Dre ribeta nünankäre kä jutobiti ni mräkä yebe?
Ngwian ye köböire ni ja mräkäre raba nüne kä jutobiti nitre ruäre tä nütüre, ¿akwa ye köböire erametre nüna raba kä jutobiti ni mräkä yebe?
