KUKWE JA TÖTIKARA 3
¿Nüna nämene ño Kä Bä Nuäre yete?
Jehovakwe jondron kwin krubäte biani Adán bätä Eva ie (Génesis 1:28)
Jehovakwe Eva sribebare kena aune biani kwe Adán ie ne kwe rabadre niara mukore (Génesis 2:21, 22).
Jehovakwe niaratre töi aune ngrabare sribebare kwin metre, jondron käme ñaka nämene niaratre yebätä.
Kä Bä Nuäre krubäte te niaratre nämene nüne ye Jardín Edén, kä yekänti ñö kri, kri ngwäkä bätä jondron nire nämene.
Jehová nämene blite niaratre ben; niara nämene tötike. Niaratre käkwe mikadre täte angwane rabadre nüne kärekäre kä tibienbätä kä Bä Nuäre te.
Kri dati ngwäkä ye ñaka kwetadre kwetre niebare Ngöbökwe ietre (Génesis 2:16, 17)
Ángel iti käkwe ja mikani Ngöbö rüere. Ángel töi käme ye kädekata Satana Diablu.
Jardín yekänti Jehovakwe kri dati ngwäkä mikani tuare Adán bätä Eva ie, niaratre käkwe kwetadi angwane krütai niebare kwe ietre.
Satana ñaka tö namani Adán bätä Eva tuai Jehová mike täte. Ye medenbätä kulebra kratibiti niarakwe niebare Eva ie, kri ngwäkä ye kwetai kwe angwane, ñaka krütai, ñakare aune rabai Ngöbö kwrere. Erametre, niara nämene ni ngökö (Génesis 3:1-5).
Ne rabai tuen kwin mäi arato
ESSENTIAL BIBLE TEACHINGS
¿Ñokäre Ngöbökwe Kä tibien sribebare?
Kä tibien ne bä nuäre krubäte. Kä tibien ñaka tä känime krubäte Ñänä yebätä, tä nen debe näre bolore ta aune tä mikani kirire. ¿Ñobätä Ngöbökwe ja di ngwani krubäte Kä tibien ne sribekäre bä nuäre?
BIBLIA ¿TÄ DRE MIKE GARE?
Ngöbökwe kä bä nuäre biani nünankäre ni kä nebätä ie
¿Ni nire sribebare yebätä Biblia tä dre mike gare? ¿Ngöbökwe kukwe meden biani nuaindre nitre nibu kena yei?
