Ngöbö tö ni tuai nüne kä jutobiti. Ni tare kwe yebätä Kä tibien aune jondron jökrä mada sribebare kwe. Gwäune niarakwe ja tare nika diainkä, ne kwe nitre jökrä nünandre kwin kä ja känenkäre yete. Mäkwe ñäkä Jeremías 29:11 yebätä.

Gobrantre kä nebätä ñaka raba bren, ni mada nuainta tare aune gata ye denkä täte. Akwa kukwe kwin mikata gare: gwäune Ngöbökwe gobrantre kä nebätä gaite aune ye täte Gobran kwe ye mikai kwe. Juta kwe rabai nüne kwin aune jäme. Mäkwe ñäkä Isaías 25:8; 33:24 aune Daniel 2:44 yebätä.

Ngöbö rabadre nitre töi käme denkä jökrä Kä tibienbätä, ne kwe ñaka ja tare nikadre jire (Sofonías 2:3). ¿Ñongwane nuaindi kwe? Kukwe meden ni mikai ja tare nike kä nengwane ye Bibliakwe mikani gare. Kukwe tä nakainkä ye tä mike gare gwäune Ngöbökwe nitre käme diainkä. Mäkwe ñäkä 2 Timoteo 3:1-5 yebätä.

Ni rabadre ja tötike Bibliabätä Ngöbö mikakäre gare jai, ye abokän tärä tikata ni rüne käkwe monsoi tare kwe ie ye erere. Nikwe dre nuaindre kä nengwane nünankäre kwin aune nikwe dre nuaindre nünankäre kärekäre ye mikata gare kwe nie. Mäkwe ja tötikai Bibliabätä ye ñaka käi rabai juto nitre jökräbätä. Akwa, mäkwe ñaka ja di ngwan nekä, ñobätä ñan aune jondron keta kabre kwin rabai mäkwe ye bäri ütiäte. Mäkwe ñäkä Proverbios 29:25 aune Apocalipsis 14:6, 7 yebätä.